Bıyl elimizde alǵash ret qazaq kúresinen ótken «Eýrazııa barysy» halyqaralyq týrnırinde Qazaqstan quramasy jeńimpaz atandy. Bul týraly www.egemen.kztilshisi habarlady.
Fınalda bizdiń balýandar Mońǵolııa komandasyn 4:1 esebimen utty. Bul kezdesýde elimiz quramasynda Muhıt Tursynovtan basqalary qarsylastarynan basym tústi. Sonyń ishinde eń ádemi jeńisti elimizge 2012 jylǵy «Qazaqstan barysy» Beıbit Ystybaev syılady. Ol ózinen salmaǵy aýyr, alyp deneli mońǵol balýany Suǵarjarǵyl Boldpýrevke ádemi ádis jasap, alyp jyqty. Basqa balýandarymyzdan Abzal Arystanbekov pen Ersin Estektiń beldesýi jankúıerlerdiń kóńilinen shyqty. Bizdiń quramadaǵy Ersin Muhamedjanov bolsa, onyń qarsylasy ońaılyqpen jeńilmedi. Mońǵolııa balýany Tóvshınjarǵal Ǵan Ersinge jaqsy qarsylyq kórsete júrip, ádemi jasap otyrdy. Sóıtip, kezdesý teń eseppen aıaqtalyp, tóreshilerdiń sheshimimen balýandarǵa ádis jasaýǵa múmkindik berdi. Osy múmkindikti Ersin paıdalanyp, qarsylasyna eshkim kúmin týdyrmaıtyn ádis jasady. Al, Muhıt Tursynovqa kelsek, ol qarsylasyn jeńýge bárin jasaǵanymen Mońǵolııa quramyndaǵy ulty qazaq Serik Berdimurat qandasyna eshqandaı múmkindik bergen joq. Kezdesýdiń sońynda Muhıt Serikke belbeýin sheship, jeńisti berdi.
Fınaldyń sońynda Qazaqstan quramasyna bas júldeni Jambyl oblysynyń ákimi Qanat Bozymbaev tapsyrsa, basqa balýandarǵa «Qazaqstan barysy» qoǵamdyq qorynyń tóraǵasy Arman Shoraev, Dúnıejúzilik qazaq kúresi federasııasynyń prezıdenti Serik Tókıev pen basqa da azamattar tabys etti.
Dastan Kenjalın.
Derekkóz: www.egemen.kz
Foto: Erlan Omarov.
