Qapshaǵaı qalasy ákimdiginiń málimetine súıensek, aımaqtaǵy mesenattar men kásipkerler bıznestiń áleýmettik jaýapkershiligin jaqsy sezinedi.
Máselen, demeýshilerdiń qarjysyna 700 kóp balaly jáne az qamtylǵan otbasyna jalpy somasy 5 mln 325 myń teńgege azyq-túlik berilgen. Taǵy 55 otbasyna 1 mln 540 myń teńgege kómir alyp berildi. Sol sııaqty múmkindigi shekteýli 700 balany 2 mln 100 myń teńge bolatyn jańa jylǵa arnalǵan syılyqtarmen qýantty.
Budan bólek «Meıirimdi adamdar» qaıyrymdylyq sharasy sheńberinde 200 otbasyna 2 mln teńgege azyq-túlik paketteri taratyldy.
Jalpy Qapshaǵaı qalasy men óńirinde búgingi kúnge 1655 otbasyna jalpy somasy 10 mln 965 myń teńgege qaıyrymdylyq kómek kórsetilgen.
