Osyǵan oraı QR birinshi vıse-premeri Álıhan Smaıylovtyń tóraǵalyǵymen jańa úlgidegi mektepterdi salýǵa jumsalatyn shyǵyndardy ońtaılandyrý boıynsha keńes ótti.
Bul demografııalyq kórsetkishterge jáne jumys istep turǵan mektepterdiń tozýyna baılanysty osy kórsetkishtiń artýy boljanyp otyr.
Atalǵan máselelerdi sheshý boıynsha jyl saıyn respýblıkalyq bıýdjetten orta eseppen 175 mlrd teńge bólinedi. Osy máseleni keleshekte tek memlekettik bıýdjet esebinen retteý úlken qarajat bólýdi talap etedi.
Máseleniń balamaly sheshimi retinde árbir oqýshy úshin jan basyna qarjylandyrý formatyndaǵy memlekettik qoldaý quralyn qamtıtyn memlekettik-jekeshelik áriptestik jobalaryn iske asyrý boldy.
Qoldaý sharalarynyń keńeıtilgen sebetin jarııalaý jetekshi otandyq qurylys salýshylar tarapynan úlken qyzyǵýshylyq týdyrdy. Atap aıtqanda, qazirgi ýaqytta BI-Group qurylys holdıngi jańa býyndaǵy «BINOM mektepterin» salýǵa jáne oǵan qatysý týraly usynysyn qolǵa aldy.
Holdıng elimizdiń barlyq óńirinde 170 myń oryndyq 50 mektepti kezeń-kezeńimen salýdy josparlap otyr. Mektepterdiń basym bóligi tapshylyq baıqalǵan Nur-Sultan, Almaty jáne Shymkent qalalarynda salynady.
Jańa býyn mektepteri neǵurlym zamanaýı materıaldyq-tehnıkalyq jabdyqtalýymen, muǵalimder men oqýshylar úshin joǵary qolaıly jaǵdaılarymen erekshelenetin bolady. Esesine oń áleýmetti nátıjege qol jetkizip qana qoımaı, bıýdjet qarajatyn aıtarlyqtaı únemdeýge múmkindik beredi.
Á.Smaıylovtyń tapsyrmasy boıynsha barlyq mektepter úshin jańa qurylys modeline arnalǵan tehnıkalyq jabdyqtar men jabdyqtardyń biryńǵaı sebeti jasalady.
Jobany iske asyrýdyń 5 jyly ótkennen keıin mektepter memleket menshigine ótetinin atap ótý qajet. Tásildi qoldaný bilim berý ınfraqurylymyn jaqsartýǵa jáne oń áleýmettik nátıjege qol jetkizýge ǵana emes, sonymen qatar bıýdjet qarajatyn edáýir únemdeýge múmkindik beredi.
