Mámile talaptaryna sáıkes, ATFBankiniń 124 mlrd teńge kólemindegi menshikti kapıtaly qosymsha provızııalardy qurý úshin jumsaldy. Aǵymdaǵy aksıoner shyǵyndy japqannan keıin, Jýsan Bank retteýshiniń talaptaryna sáıkes menshikti kapıtaldyń jetkilikti deńgeıin qalyptastyra otyryp, ATFBankti 97 mlrd teńge kóleminde qosymsha kapıtaldandyrýdy júzege asyrdy.
ATF bankty satyp alý nátıjesinde Jýsan tobyna kiretin eki banktiń aktıvteriniń jıyntyq kólemi 3 trln teńge nemese Qazaqstannyń banktik sektorynyń aktıvterinen 10% quraıtyn bolady dep kútilýde. Eki banktiń ótimdiligi joǵary aktıvteriniń jıyntyq mólsheri 1,3 trl.teńgeden asady, bul Qazaqstan naryǵyndaǵy eń joǵary kórsetkishterdiń biri bolyp tabylady.
«Biz Qazaqstan naryǵynda burynnan qyzmet kórsetip kele jatqan bankterdiń biri – ATFBanktiń Jýsan tobyna qosylǵanyna qýanyshtymyz. Qazirgi tańda ATFBank óz ótimdiligin aıtarlyqtaı kóbeıtti, provızııalardyń qajetti deńgeıin qalyptastyrdy jáne senimdi qarjy quraly bolyp tabylady. Bizdiń kelesi qadamymyz – eki banktiń klıenttik bazany odan ári keńeıtýge jáne zamanaýı sıfrlyq servısterdi usynýǵa bayttalǵan uzaq merzimdi strategııasyn ázirleý, – dep atap ótti Jýsan BankDırektorlar keńesiniń tóraǵasy Shıgeo Katsý. – Aıta ketetin taǵy bir mańyzdy jaıt – bizdiń barlyq seriktesterimiz Reseı men Qyrǵyzstandaǵy enshiles bankter arqyly jańa naryqtarǵa shyǵý múmkindigin alady».
Búgingi tańda Jýsan tobyna bankterden basqa saqtandyrý, brokerlik qyzmet kórsetý jáne ınvestısııalyq portfeldi basqarý boıynsha qyzmetterdiń keń spektrin usynatyn qarjy kompanııalary kiredi.
«Men jaqyn arada bizdiń tobymyzdyń servısteri usynylatyn ATFBank klıentterine «Qosh keldińizder» degim keledi, – deıdi Jýsan Bank Basqarma tóraǵasy Aıbek Qaıyp. – Jeke tulǵa klıentter biryńǵaı mobıldi qosymsha arqyly banktik, saqtandyrý jáne ınvestısııalyq qyzmetterdi alýǵa arnalǵan jańa sıfrlyq sheshimderdi qoldanyp, óz baǵasyn bere alady. Bıznes ókilderine smartfon arqyly shottar ashý jáne qajetti banktik operasııalardy sol sátte jasaý múmkindigi qoljetimdi. Barlyq klıentter Jýsan Mobile mobıldi operatorymen uıaly baılanystyń tıimdi sharttaryna ıe bolady. Eki banktiń sınergııasy bıznestiń órkendeýi men klıentterdiń kúndelikti ómiri úshin kóptegen jańa sheshimder usyna alatyndyǵyna senimdimin».
ATFBanktiń klıentterge qyzmet kórsetý jónindegi barlyq aǵymdaǵy servısteri jumysyn qalypty rejımde jalǵastyrýda.
ALMATY
