– Osydan týra bir jyl buryn qala basshysy Baqytjan Saǵyntaev árbir aýdanǵa baryp halyqpen kezdesýinde «Jańa Almaty» megapolısin damytýdyń keshendi josparyn qabyldaýǵa bastamashylyq jasady. Onyń negizgi baǵyty shetki aýdandarǵa jáne megapolıske jańadan qosylǵan eldi mekenderdi damytýǵa baǵyttalǵan, – dedi Sanjar Toǵaı. – «Shetsiz qala» qaǵıdatyn iske asyrý maqsatynda ótken jyly qala ákimi birinshi kezektegi problemalyq máselelerdi sheshý jáne burynǵy aýyldyq okrýgterdiń barlyq turǵyndary úshin qolaıly jaǵdaı jasaý maqsatynda aýdanymyzda aýqymdy jumysty bastaýdy tapsyrdy. Eń bastysy bizdiń 10 shaǵyn aýdandy sýmen jáne káriz jelilerimen qamtamasyz etý bolyp tabylady.
Sonymen qatar, jańa áleýmettik nysandar salý máselelerin shuǵyl túrde sheshý, memlekettik baǵdarlamalar aıasynda turǵyn úılerdiń qurylysynyń kólemin ulǵaıtý tapsyryldy. Mundaı sharalar aýdan ekonomıkasynyń barlyq salalaryna oń áserin tıgizdi.
Tek 2020 jyly aýdandy damytýǵa 70 mlrdteńgeden astam qarajat bólindi, bul 2019 jylmen salystyrǵanda jeti esege kóp. Bıylǵy jyldyń 11 aıynda negizgi kapıtalǵa salynǵan ınvestısııalar kólemi 88 mlrd.teńgeni qurady, bul 2014 jylmen salystyrǵanda 12,5 ese kóp. Salyq túsimderi 130%-ǵa ósý qarqynymen 13,2 mlrd.teńgeni qurady, bul 2014 jylmen salystyrǵanda 33 ese kóp. О́ndiris kólemi 5,3 mlrd.tg. quraıdy.
«Almaty bıznes 2020-2025» baǵdarlamasy aıasynda qala aýmaǵynda alǵash ret toqtap turǵan kásiporyndardy jandandyrý maqsatynda Naýryzbaı aýdanynda ónerkásiptik park ashyldy, jalpy aýdany 4 myń sh.m. «Ala Estate» JShS óndiristik úı-jaılary, onda jıhaz, keńse buıymdary, galantereıa óndiretin 10 jańa óndiris ashyldy.
«BJK-2025», «Eńbek» jáne «Almaty bıznes-2025» bıznesti qoldaý jónindegi memlekettik baǵdarlamalar sheńberinde 3,5 mlrd teńgeden astam somaǵa 18 joba qoldaý aldy, bul sharalar aınalym qarajatyn tolyqtyrýǵa múmkindik berip, jańa kásipkerlik nysandardyń ashylýyna, sondaı-aq ekonomıkalyq aınalymǵa 30 gektardan astam bos jer ýchaskelerin tartýǵa yqpal etti.
Mysaly, Shuǵyla sh.a. 15,5 ga jer ýchaskesinde kópqabatty turǵyn úı qurylysynyń jobasy ázirlenýde. Qarǵaly shaǵyn aýdanynda 3,5 ga jer teliminde jeke menshik mekteptiń qurylysy bastaldy. Budan basqa Aqjar shaǵyn aýdanynda toqyma fabrıkasynyń qurylysy aıaqtalýda.
Sýmen qamtý salasynda 8 jobany iske asyrý bastaldy, bul Taýjoly, Jaılaý, Qarǵaly, Quramys, Aqjar, Shuǵyla, Tastybulaq shaǵyn aýdandaryndaǵy 121,5 shaqyrym sý qubyry, 85 shaqyrym káriz jáne Qarǵaly ózenindegi sý súzgileý stansııasynyń qurylystary.
Aýdanda úılerdiń 98% -y gazben qamtylǵan.Halyqtyń osal tobyndaǵy 46 otbasy 2020 jyly tegin ortalyqtandyrylǵan gaz júıesine qosyldy.
Aýdan qurylǵan sátten bastap 234 kóshede 168 shaqyrym jolǵa asfalt tóseldi, bul jalpy kólemniń 86%-yn qurap otyr. Barlyǵy 348 kóshe nemese 289 shaqyrym bar.
2020 jyly 35 kóshede joldarǵa ortasha jóndeý júrigizildi. Baızaq batyr kóshesine kúrdeli jóndeý jumystary aıaqtaldy. Sonymen qatar, Abaı dańǵylyn uzartý, jer satyp alý jumystary jalǵasýda, barlyǵy 147 ýchaske, sondaı-aq Qonaev kóshesin keńeıtý (38 jer ýchaskesi) jumystary jalǵasýda.
Nurly kóshesin Raıymbek dańǵylyna deıin uzartý jumystary aıaqtalýda, Tóle bı kóshesin qala shekarasyna deıin uzartý boıynsha joba ázirlendi. Sondaı-aq, aǵymdaǵy jyly 2 kópir ótkeli (Arman, Tájıev b/s) jóndeldi.
2020 jyly «Bıýdjetke qatysý» baǵdarlamasy aıasynda 119 mln teńge somasyna 7 joba iske asyryldy. Olardyń arasynda tórt Work out alańy, eki balalar alańy, eki basketbol alańy, bir skeıt alańy, bes «Togyzkumalak Smart Nation» ulttyq ústel oıyny bar.
ALMATY
