«Prezıdent tapsyrmasyna sáıkes, «Bızneske arnalǵan úkimet» jobasy júzege asyryldy. Qazir kásipkerlerge bir ǵımaratta birneshe qyzmet túrin kórsetý, keńes berý múmkindigine qol jetkizildi. Jyl saıyn oblysta shaǵyn jáne orta kásipkerlik sýbektileriniń sany artyp keledi. Osy salada jumyspen qamtylǵandar sany 127,2 myń adamdy qurady», dedi Mahambet Dosmuhambetov.
Ákimniń aıtýynsha, memlekettik baǵdarlamalar men qabyldanǵan sharalar kásipkerliktiń damýyna oń serpin berip otyr. Bıyl osyndaı memlekettik jáne óńirlik baǵdarlamalar sheńberinde kásipkerlerdi qoldaýǵa 4,9 mlrd teńge bólinip, 5 myńǵa jýyq kásipkerlik sýbektisi kómek aldy. Nátıjesinde 3371 jumys orny saqtaldy. Endi jańadan 680 jumys orny qurylmaq.
Sondaı-aq, óńirde ekonomıkany turaqtandyrý, bızneske qoldaý bildirý úshin salyqtyq yntalandyrý maqsatynda taldaý júrgizilipti. Nátıjesinde jekelegen sanatqa kiretin 20 833 kásipkerlik sýbektisine 5,8 mlrd. teńge kóleminde salyqtyq jeńildikter qarastyrylypty.
