Birinshiden, anılın Viral Protect kompanııasynyń M jáne L ólshemdi qara maskalardyń bir ǵana partııasynan tabyldy. Budan basqa, óndirýshiniń assortımentinde anılın joq basqa da modelder bar.
О́ndirýshi fırmanyń barlyq ónimderi sertıfıkattalǵan jáne qaýipsiz ekeni tekserilgen. Degenmen, qaýipti dep sanalǵan partııa satylymnan alynyp tastaldy. Aıta keterlik jaıt, hımııalyq zattardyń shamadan tys ekendigin rastaıtyn saraptama áli júrgizilgen joq. Sondyqtan maskalardyń shynymen ýly bolǵan dep aıta almaımyz.
Ekinshiden, anılın – bul, shynymen, ýly zat, joǵary konsentrasııada ol ortalyq júıke júıesine teris áser etýi múmkin. Alaıda, óndiriste az mólsherde jáne qajetti saqtyq sharalaryn saqtaı otyryp, keńinen qoldanylady. Anılındi rezeńke, gerbısıdter men boıaǵyshtar shyǵarý úshin paıdalanady. Aıta keteıik, onymen boıaǵyshtarmen ártúrli matalardan tigilgen kıimderdi boıaıdy. Sondaı-aq, djınsyǵa arnalǵan boıaǵyshtarda jıi kezdesedi.
Anılınge negizdelgen boıaǵyshtar qarapaıym dúkenderde satylady jáne úıde qoldanýǵa jaramdy. Tárkilengen maska partııasy jasalǵan materıal dál osyndaı boıaýmen boıalǵan bolýy múmkin. Joǵaryda aıtylǵandardyń nátıjesinde, medısınalyq maskalar asa qaýipti degen qaýesetter asyra silteýshilik deýge bolady.
Anılın maskanyń naqty modeliniń bir partııasynda eki ólshemde ǵana anyqtalǵan. Onyń ústine, zat mólsheriniń ruqsat etilgen normadan asyp ketken-ketpegendigi belgisiz.
