Vedomstvonyń málimetinshe, óńirde aýa raıyna baılanysty kólik qozǵalysyna shekteý engizildi. Naqtyraq alǵanda, dızel otyny bar avtokólikter úshin eldi mekenderden tys jerlerge shyǵýǵa tyıym salyndy. Polısııa tarapynan aıazǵa baılanysty tótenshe jaǵdaılardy boldyrmaý úshin patrýldik jáne joldarǵa monıtorıng júrgizý jumystary kúsheıtildi.
Oblysta 257 jylytý pýnkti jumys isteıdi, oǵan aýa raıynyń qolaısyzdyǵynan jolda qalǵan adamdar jetkizilýde.
«О́tkizilgen is-sharalardyń arqasynda oblysta tótenshe jaǵdaılarǵa jol berilgen joq. Alaıda, aıadan kóligi isten shyǵyp, jolda qalǵan alty adamǵa polısııa kómekke keldi. Máselen, PD JPQB patrýldik polısııa rotasynyń qyzmetkerleri polısııa leıtenanty Ǵanı Ábdýálıev pen polısııa aǵa leıtenanty Jasulan Shpekbaev «Nur-Sultan – Pavlodar» avtojolynyń 145 shaqyrymynda «Mercedes» avtokóligin baıqaǵan. Polısııa qyzmetkerleri júrgizýshi men jolaýshylardy Ereımentaý qalasyndaǵy qonaqúıge apardy, kólikti de qonaq úı turaǵyna jetkizdi», deıdi vedomstvodan.
Budan bólek, aıazda isten shyqqan «Leksýs» avtokóligine kómek kórsetilgen. Osyǵan baılanysty polıseıler júrgizýshilerge óte muqııat bolýǵa, aýa temperatýrasy tómendegen kezde jolǵa shyqpaýǵa keńes beredi.
