Otyrysqa saıası partııalardyń, EQYU/DIAQB jáne TMD mıssııalary ókilderi, beınekonferensbaılanys rejıminde aýmaqtyq saılaý komıssııalary, onlaın rejıminde buqaralyq aqparat quraldarynyń ókilderi qatysty. 2020 jylǵy 29 jeltoqsan men 2021 jylǵy 4 qańtar aralyǵyndaǵy kezeńde Ortalyq saılaý komıssııasyna Syrtqy ister mınıstrliginen akkredıtteýge qosymsha 4 halyqaralyq uıym men 7 shet memleketten 24 baıqaýshynyń kandıdatýrasy usynylǵan.
Osyǵan baılanysty, otyrys sheńberinde Ortsaılaýkom halyqaralyq uıymdar men shet memleketterdiń baıqaýshylaryn akkredıtteý týraly qaýly qabyldady. Otyrysty qorytyndylaı kele, Ortsaılaýkom Tóraǵasy Berik Imashev halyqaralyq uıymdar men shet memleketterdiń baıqaýshylaryn akkredıtteý týraly másele Ortsaılaýkomnyń 7 otyrysynda qaralǵanyn atap ótti. «Qazaqstan Respýblıkasyndaǵy saılaý týraly» Konstıtýsııalyq zańǵa sáıkes shet memleketter men halyqaralyq uıymdardyń baıqaýshylaryn akkredıtteý daýys berý kúnine bes kún qalǵanda jergilikti ýaqyt boıynsha saǵat 18.00-de, ıaǵnı búgin saǵat 18.00-de aıaqtaldy», deıdi Ortalyq saılaý komıssııasynyń múshesi Anastasııa Shegorsova.
Osylaısha, shet memleketter men halyqaralyq uıymdardyń baıqaýshylaryn akkredıtteý qorytyndylary boıynsha Qazaqstan Respýblıkasy Parlamenti Májilisi jáne máslıhattary depýtattarynyń kezekti saılaýyna barlyǵy 398 baıqaýshy akkredıtteldi, onyń ishinde:
- 10 halyqaralyq uıymnan – 322 baıqaýshy (TMD Parlamentaralyq Assambleıasy-48; TMD Atqarýshy komıtet - 179; Islam Yntymaqtastyq Uıymy – 4; EQYU – nyń demokratııalyq ınstıtýttar jáne adam quqyqtary jónindegi bıýrosy – 42; EQYU Parlamenttik Assambleıasy – 9; Shanhaı Yntymaqtastyq Uıymy – 15; Túrkitildes memleketterdiń Yntymaqtastyq Keńesi – 7; Ujymdyq qaýipsizdik týraly shart Uıymynyń Parlamenttik Assambleıasy – 7; túrkitildes elderdiń Parlamenttik Assambleıasy-9; EO – nyń Qazaqstandaǵy ókildigi-2); - 31 shet memleketten - 76 (Iordanııa, Qyrǵyzstan, Maldıv, Moldova, Túrkııa, Ázirbaıjan, Armenııa, Indonezııa, О́zbekstan, Reseı, Rýmynııa, Úndistan, Fılıppın, Vengrııa, Ispanııa, Norvegııa, Fransııa, Shveısarııa, Polsha, Chehııa, Italııa, Estonııa, Ýkraına, Germanııa, Belgııa, Palestına, Ulybrıtanııa, Mońǵolııa, Shvesııa, Kanada, Fınlıandııa). Otyrystan keıin buqaralyq aqparat quraldary úshin brıfıng ótti, onda Ortsaılaýkom músheleri BAQ suraqtaryna jaýap berdi.
