Shvarsenegger Economist jýrnalyna bergen suhbatynda: «Prezıdenttik saılaýda kim jeńiske jetkenine kúmán joq. Bul absýrdtyń jalǵasy – aqymaqtyq, bassyzdyq jáne zulymdyq», dep aıtyp ótti.
Aıta keteıik, akter Aýstrııa elinde dúnıege kelgen. Ol 1938 jyly Aýstrııanyń nasıstik Germanııaǵa qosylyp, keıinnen ekinshi dúnıejúzilik soǵystyń qııan-keski zardaptaryn kórgenin eske aldy. Sondyqtan AQSh-tyń búgingi saıası jaǵdaıyna alańdaýshylyǵyn bildirdi.
«Men búgin óz elim úshin qatty ýaıymdaımyn. Men ımmıgrant retinde, amerıkalyq jáne respýblıkalyq retinde sóıleýge mindettimin. Demokratııadan bas tartqan jáne sonyń aýyr saldarynan japa shekken elde, qırandylardyń arasynda óstim», dep tolyqtyrdy Shvarsenegger.
Eske sala keteıik, resmı málimetterge sáıkes demokratııalyq partııanyń múshesi Djo Baıden prezıdenttik saılaýda jeńiske jetti. Sóıte tura, qazirgi prezıdent Donald Tramp jeńilisti moıyndamaı otyr.
