Maqsatty paıdalaný úshin qoljetimdi zeınetaqy jınaqtarynyń somasy týraly aqparatty jáne zeınetaqy jınaqtarynyń jaı-kúıi týraly derekterdi mynadaı tásildermen alýǵa bolady:
1. BJZQ saıty jáne salymshynyń Jeke kabıneti arqyly. Ol úshin JSN men qupııasózdi engizý qajet nemese elektrondy sıfrly qoltańba (ESQ) bolýy kerek.
Sonymen qatar biz sizderge zeınetaqy jınaqtarynyń jaǵdaıy týraly aqparat alýǵa múmkindik beretin qosymsha cabinet.enpf.kz/porog týraly aqparat beremiz: zeınetaqy shotyndaǵy qaldyq, shekti soma, alýǵa bolatyn soma. Bul aqparatty alý úshin tek ESQ kiltimen qol qoıý kerek. ESQ-ny Ulttyq sertıfıkattaý ortalyǵynyń saıtynda alýǵa bolady.
2. Zeınetaqy jınaqtarynyń jaı-kúıi týraly aqparat eGov.kz saıtynda jáne eGov mobile mobıldi qosymshasy arqyly qoljetimdi. Ol úshin paıdalanýshylarǵa elektrondy sıfrly qoltańba (ESQ) qajet. eGov.kz saıtynyń bas mázirinde «Áleýmettik qamsyzdandyrý», odan ári «Zeınetaqymen qamsyzdandyrý» qosymsha betine ótińiz, sodan keıin «Biryńǵaı jınaqtaýshy zeınetaqy qory salymshysynyń (alýshysynyń) zeınetaqy jınaqtarynyń (ınvestısııalyq kiristi eskere otyryp) jaı-kúıi týraly aqparat berý» qosymsha paraqshasy arqyly nemese silteme boıynsha ótip bilýge bolady.
eGov mobile mobıldi qosymshasynyń «Qyzmetter», odan ári «Jumysqa ornalastyrý jáne jumyspen qamtý» bólimine ótińiz, sodan keıin «Biryńǵaı jınaqtaýshy zeınetaqy qory salymshysynyń (alýshysynyń) zeınetaqy jınaqtarynyń (ınvestısııalyq kiristi eskere otyryp) jaı-kúıi týraly aqparat» qosymsha betine ótý arqyly anyqtaýǵa múmkindik bar.
Sonymen qatar BJZQ 2021 jylǵa arnalǵan zeınetaqy jınaǵynyń jetkiliktilik shegin jarııalady.
Aıta keteıik, buǵan deıin qazaqstandyqtardyń zeınetaqy jınaqtaryn paıdalaný úshin «jetkiliktilik shegi» jarııalanǵan edi. Budan ózge, zeınetaqy jınaǵyn baspanaǵa jumsaýǵa arnalǵan onlaın-platforma iske qosylady.
