О́ner • 08 Qańtar, 2021

Sımvolızm sıqyry

9 ret kórsetildi

Ulttyq mýzeıde «Bir týyndy tarıhy» jobasy aıasynda IýNESKO janyndaǵy AISA múshesi, Kórkemsýret akademııasynyń akademıgi, belgili sýretshi Botagóz Aqanaevanyń «Teńiz hanshaıymy» atty týyndysy tanystyryldy.

Týyndy sándik natıýrmort janrynda oryndalǵan. Sándik natıýrmortta syzyqtarǵa, sul­baǵa, olardyń qozǵalysyna jáne tańbamen ózara áreketine ba­symdyq beriledi. Sondaı-aq quraq túrindegi applıkatıvti órnekterdi paıdalanýǵa da bolady.

Botagóz Aqanaeva sándik úlgidegi zattar álemin jıi beı­­neleıdi. Beıneleıtin zat­tar­dyń pishini jaıpaq ári shartty bolady. Jaryq pen kóleńkeni tumshalaıdy. Sýret oqyr­manǵa jeńil, qajet emes detaldardan aryl­ǵan. Olar­dyń ornyna árbir sulba bezendirile tús­ken.

Sýret tiginen úılestirilgen, sondyqtan zattardyń (vaza, qu­myra jáne bótelke) pishi­ni tik, bir syzyqtyń boıyna tur­ǵyzylǵan. Bul olar­dy formatqa jınaqy ornalas­ty­rýǵa múmkindik beredi. Kom­­pozısııanyń ortalyǵy –  kar­tınanyń ortasyndaǵy va­zanyń erneýine ornalasqan Teńiz hanshaıymy – balyq. Ol kartınadaǵy jalǵyz kóldeneń element bolǵandyqtan nazardy ózine aýdartady. Sýretshi týyndysynda sımvolızmge júgingen.

Balyq ónerde tabıǵattyń sımvoly sanalady. Dástúrli tú­sinikterge oraı, ómir qaı­­na­ry –

sý. Sondyqtan baǵzy zamanda balyqty tirshiliktiń paıda bolýynyń sımvoly re­tinde qasterlegen. Qy­taı ti­linde «balyq» jáne «mol­shy­lyq» birdeı tańbalanyp, birdeı dybystalady.

Kartınaǵa dál sımmetrııa, sándik boıaýlardyń qanyq­tyǵy, boıaý daqtary men sul­ba­lardyń tepe-teńdigi, keńis­tiktiń tuıyqtyǵy tán.

Aıta keteıik, Botagóz Aqa­­naeva N.V.Gogol atyn­daǵy Almaty kórkem­sýret ýchılı­shesiniń túlegi, ma­mandyǵy boıynsha teatr de­­koratory. 1990-jyldan res­­pýblıkalyq, bú­kil­odaq­tyq jáne halyq­ara­lyq kór­me­lerge qatysqan.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar