Atap aıtqanda, 39 shaqyrym jol salyndy. Avtojoldardyń 199 shaqyrymy qaıta jańartylsa, 541 shaqyrymy kúrdeli jóndeýden ótti. Al jergilikti mańyzy bar 3221 shaqyrym jolǵa ortasha jóndeý júrgizildi.
Iske asyrylǵan iri jobalardyń qatarynda Túrkistan qalasyndaǵy halyqaralyq áýejaıǵa kirme jol bar. Budan bólek, Aqtaý teńiz kýrorttyq aımaǵynda avtomobıl joldaryn salý jáne qaıta qurý júrgizilýde. Sondaı-aq, respýblıkalyq mańyzy bar qalalardaǵy kóshelerdi damytý da júzege asyrylǵan.
Osylaısha, jyl qorytyndysy boıynsha jaqsy jáne qanaǵattanarlyq jaǵdaıdaǵy jergilikti joldardyń úlesi 75%-ǵa jetkizildi. Byltyr bul kórsetkish 71% -dy quraǵan bolatyn.
Atap ótý kerek, oblystyq jáne aýdandyq mańyzy bar avtomobıl joldary jergilikti atqarýshy organdardyń quzyrynda. QR Indýstrııa jáne ınfraqurylymdyq damý mınıstrligi óz kezeginde jyl saıyn jergilikti joldar jelisin damytýǵa maqsatty transfertterdi parıtettik negizde, ıaǵnı 50/50 qylyp bólýde.
Eske sala keteıik, oblystyq jáne aýdandyq mańyzy bar avtomobıl joldarynyń jalpy uzyndyǵy 70,9 myń shaqyrymdy quraıdy. 2020-2025 jyldarǵa arnalǵan «Nurly jol» memlekettik baǵdarlamasyna sáıkes oblystyq jáne aýdandyq mańyzy bar 27 myń shaqyrym joldy qurylys jumystarymen qamtý kózdelgen. Sondaı-aq, joldardyń 95%-yn jaqsy jáne qanaǵattanarlyq jaǵdaıǵa keltirý josparlanyp otyr.
