"Qańtardyń 15-i kúni Parlament depýtattarynyń aldynda sóz sóıleımin. Sonda birneshe ózekti másele kóterilmek. Eń aldymen reformalar boıynsha aıtylady. Reformalardy jalǵastyrý kerek.
Sondaı-aq Ulttyq senim keńesiniń jıyny ótpek. Bul is-sharada da mańyzdy reformalar toptamasy talqylanady", dedi Memleket basshysy.
Prezıdent baspasóz brıfınginde AQSh-taǵy ahýalǵa qatysty da óz pikirin aıtty.
- Búkil álem sekildi Qazaqstan da AQSh-taǵy ahýaldy muqııat baqylap otyr. Saılanǵan prezıdent Djo Baıdenniń sheshimimen kelisemiz. Amerıka demokratııasynyń sıtadeli - Kapıtolııdi basyp alý zańsyz, ekstremızm ekeni sózsiz. Buǵan qatysty tıisti sharalar qabyldanýy kerek. AQSh pen Qazaqstan arasyndaǵy qarym-qatynas damı túsedi dep úmittenemin. AQSh 1991 jyly resmı túrde Qazaqstannyń táýelsizdigin moıyndaǵan alǵashqy memleket. Bizdiń tarapymyzdan ekijaqty qarym-qatynasty nyǵaıta berýge kúsh salamyz, dedi Qasym-Jomart Kemeluly.
