«Qazaqstandaǵy Májilis jáne máslıhat depýtattarynyń saılaýy ulttyq zańnamaǵa jáne halyqaralyq normalarǵa sáıkes ótkizildi. Saılaý nátıjesi Qazaqstannyń odan ári qarqyndy damýyna úles qosady degen senimdemiz. Biz osy saılaýda baıqaýshy qyzmetin atqaryp, óz mıssııamyzdy oryndadyq. Sondaı-aq bul quramda О́zbekstan, Ázerbaıjan, Qyrǵyz eliniń ókilderi de bar. Baqylaýshylyq mindet Qazaqstannyń zańnamasyna jáne halyqaralyq standarttarǵa saı júrgizildi jáne akkredıtteý kampanııasy barysynda saıası partııalardyń ókilderimen kezdestik», dedi O.Kojaman. Qazaqstanda saılaý boıynsha jumystar 253 aýmaqtyq jáne 10 063 ýchaskelik saılaý komıssııasynda ótkizilip, 300-deı úmitker men 12 mln saılaýshy tirkelgen.
Halyqaralyq baıqaýshynyń aıtýynsha, zańnamaǵa sáıkes, saılaýdyń jalpylama obektıvti ótýine baqylaý júrgizilipti. Sonymen birge COVID-19 pandemııasy jaǵdaıy eskerile otyryp, saılaý ýchaskelerinde sanıtarlyq talaptar qatań saqtalǵan. «Mıssııa basqa da halyqaralyq baıqaýshylarmen yntymaqtasa otyryp, saılaýdy qadaǵalady. Halyqtyń barlyq jastaǵy turǵyndary saılaýǵa qatysty, birqatar saılaý ýchaskelerinde erekshe qajettiligi bar jandarǵa arnalǵan pandýstar bolǵan joq. Bizdiń oıymyzsha, ol saılaýshylardyń qatysýyna, daýys berýine kedergi bolady. Al jalpy Qazaqstannyń uıymdastyrǵan saılaýy basqa elder úshin úlken tájirıbe bolady dep oılaımyn. Túrkitildes memleketter yntymaqtastyǵy keńesi Parlament Májilisi men máslıhat depýtattary saılaýy ashyq transparentti túrde jáne ulttyq zańnama men halyqaralyq standarttarǵa sáıkes júrgizildi dep esepteıdi», dep qorytyndylady O.Kojaman.
