Aımaqtar • 14 Qańtar, 2021

Qaraǵandydaǵy Lenın shahtasynda jarylys boldy

33 ret kórsetildi

Keshe keshkisin «ArselorMıttal Temirtaý» AQ kómir departamentine qarasty Lenın atyndaǵy shahtada jarylys boldy, dep habarlaıdy Egemen.kz. oblys ákiminiń baspasóz qyzmetine silteme jasap.

Burǵylaý jumystary kezinde gaz ben kómir qosyndysy atylǵan. Burǵylaýshylar brıgadasy apat bolǵan jerden ketip úlgergenimen, burǵylaý qondyrǵysynyń mashınısi kenjardan shyǵa almapty. Oqys oqıǵa bolǵan kezde jer astynda 3-shi aýysymnyń 137 qyzmetkeri bolǵan. Olardyń 136-sy jer betine shyǵaryldy.

Qazirgi ýaqytta apatty joıý jospary iske qosylyp, oqıǵa bolǵan jerde «RSShP VASS» JShS Qaraǵandy fılıalynyń apattyq-qutqarý qyzmeti jumys isteýde. Apparatýranyń kórsetkishterine sáıkes, shahtanyń taý-ken qazbalaryndaǵy gaz jaǵdaıy qalypqa keltirilgen.

Lenın atyndaǵy shahtada bolǵan jazataıym oqıǵa faktisi boıynsha Qaraǵandy oblystyq bas memlekettik eńbek ınspektorynyń ókimimen komıssııa quryldy. Oǵan ónerkásiptik qaýipsizdik salasyndaǵy ýákiletti organ ókili tóraǵalyq etedi.

Komıssııa quramyna memlekettik eńbek ınspektory, kásipodaq uıymynyń ókili jáne jumys berýshi engizilgen. Oqıǵanyń mán-jaıy men sebepteri jazataıym oqıǵany arnaıy tergep-tekserý aıaqtalǵannan keıin aıqyndalyp, ol týraly qosymsha habarlanatyn bolady.

Eske salar bolsaq, týra osy shahtada 2006 jyly joıqyn apat bolyp, sonyń saldarynan 41 kenshi qaza tapqan bolatyn.

Sońǵy jańalyqtar

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar