Oralda Volkswagen dılerlik ortalyǵy qaıta jańǵyrtyldy

Aımaqtar • 14 Qańtar, 2021

Oralda Volkswagen dılerlik ortalyǵy qaıta jańǵyrtyldy

42 ret kórsetildi

Orbis Kazakhstan kompanııalar tobynyń avtomobıldik bólimshesi Orbis Auto kompanııasy Oral qalasyndaǵy Volkswagen resmı dılerlik ortalyǵyn qaıta jańǵyrtýdyń tolyq aıaqtalǵany týraly habarlady, dep jazady Egemen.kz.

Janbolat Kenjeǵul

Avtosalondy rekonstrýksııalaý baı tarıhy bar tanymal brendtiń sońǵy joǵary standarttaryna, dástúrleri men qundylyqtaryna sáıkes júrgizildi. Volkswagen óńirlik dılerlik ortalyǵyn tolyq qaıta jańartýǵa Orbis Auto ınvestısııalary $1 mln qurady.

Oraldaǵy Volkswagen Dılerlik Ortalyǵyn rekonstrýksııalaý 2020 jyldyń 1 shildesinde bastaldy jáne jarty jyldan astam ýaqytqa sozyldy – 2021 jyldyń 10 qańtarynda avtosalon óz klıentterin jańa formatta qabyldaı bastady. Qaıta jańǵyrtylǵan ortalyqtyń qyzmet kórsetý aımaǵynyń aýdany – 420 m2, shoý-rýmnyń aýdany – 510 m2.

Avtosalonnyń ıdentıkasy men jıhazy tolyǵymen jańartyldy, al ǵımarattyń qasbetinde Volkswagen brendiniń jańa logotıpi paıda boldy. Jańartylǵan ortalyqtyń servıstik stansııasynda jabdyq tolyǵymen jańartyldy, endi ol Volkswagen halyqaralyq standartynyń sońǵy krıterıılerine sáıkes keledi, al klıentterdi kútýdiń jańa aımaǵy avtomobıldiń jóndelýin onlaın rejıminde baqylaýǵa múmkindik beredi.

«Biz Oral qalasynda Volkswagen jańartylǵan Dılerlik Ortalyǵynyń esigin ashqanymyzǵa qýanyshtymyz, munda siz armanyńyzdaǵy kólikti yńǵaıly jaǵdaıda satyp alyp qana qoımaı, sonymen qatar kóptegen qyzmet túrlerin ala alasyz. Qaıta jańartylǵan dılerlik ortalyq brend saıasaty men dástúrine adal, al onyń tehnıkalyq jabdyqtalýy barlyq halyqaralyq standarttarǵa saı keledi. Ortalyq qyzmetkerleri 2020 jyly 150-den astam oqytý trenıngterinen ótti, endi alǵan daǵdylaryn jumysta qoldanýǵa daıyn», - dep atap ótti Orbis Auto bas dırektory Dınara Ysqaqova.

Oraldaǵy Volkswagen dılerlik ortalyǵynyń klıentterine Volkswagen resmı dıleri usynatyn qyzmetter men servısterdiń barlyq spektri qol jetimdi. Olardyń ishinde jeńil jáne kommersııalyq modelderdiń keńeıtilgen jelisinen avtomobılderdi tańdaý, jańa avtomobılge aıyrbastaýda artyqshylyqtardy usynatyn Trade-In baǵdarlamasy, sondaı-aq avtonesıeleýdiń ártúrli baǵdarlamalary bar.

«Biz úshin klıentterimizge joǵary deńgeıdegi servısti usyný mańyzdy. Sondyqtan biz avtokólik satyp alýdy jáne keshendi qyzmet kórsetýdi barynsha yńǵaıly etýge jáne óz klıentterimizdi qonaqjaılylyqpen qýantýǵa tyrysamyz. Avtosalon qaıta jańartylǵannan keıin onyń múmkindikteri osy maqsattarǵa sáıkes keledi. Jańa formattaǵy jumys aımaqtaǵy Volkswagen brendiniń pozısııasyn nyǵaıtýǵa kómektesedi dep úmittenemiz», - dedi Volkswagen Centre Uralsk dırektory Artıom Pashenko.

2020 jyldyń qorytyndysy boıynsha Oralda 210 Volkswagen avtokóligi satyldy. Jalpy Qazaqstan boıynsha portfeline tórt VW avtoortalyǵy kiretin Orbis Auto kompanııasy brendtiń 1690 birlik jeńil avtomobılderin satty, bul 2019 jylǵa qaraǵanda 392 avtomobılge artyq. VW kommersııalyq tehnıkasyn satý 84 birlikti qurady, bul ótken jylmen salystyrǵanda 33-ke kóp.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz