«Olimpbet-fýtboldan Qazaqstan chempıonatyn keńeıtý qadamy jarysqa qatysýshylardyń kelisimimen jasalyp otyr. Buǵan deıin bul másele Atqarýshy komıtettiń otyrystarynda birneshe ret talqylanǵan bolatyn. Sodan keıin joba Qazaqstan fýtbol federasııasynyń prezıdenti Ádilbek Jaqsybekovtiń tapsyrmasymen Qazaqstan kásipqoı fýtbol lıgasynyń jalpy jıynynda talqyǵa tústi. Eki kezdesýde de bastama qoldaýǵa ıe boldy», delingen Qazaqstan fýtbol federasııasynyń resmı habarlamasynda.
Premer-lıganyń ótken jylǵy qorytyndysy boıynsha chempıonattyń alǵashqy úsh týryn oınap, qarjylyq qıyndyqqa baılanysty Pavlodar oblysynyń ǵana emes, búkil Qazaqstannyń mańdaıaldy komandalarynyń birine aınalǵan elimizdiń 5 dúrkin chempıony «Ertis» merziminen buryn jarystan shyǵyp qaldy. Sondaı-aq 2020 jylǵy birinshiliktiń týrnır kestesinde 11-orynǵa turaqtaǵan Kókshetaýdyń «Oqjetpes» komandasy bıyl óz baǵyn Birinshi lıgadan izdeıdi. Al Qazaqstan chempıonatynyń erejesi boıynsha Birinshi lıgada jaqsy nátıje kórsetken eki komanda Premer-lıgaǵa joldama aldy. Atap aıtar bolsaq, olar birneshe dúrkin el chempıony – «Aqtóbe» men byltyrǵy Qazaqstan kýbogynyń ıegeri – «Atyraý» klýbtary. Bir aıta keterligi, Birinshi lıga básekeleri pandemııaǵa baılanysty bir aımaqta jáne eki konferensııaǵa bólinip ótti. Nátıjesinde, konferensııada oza shapqan joǵarydaǵy eki klýb «Ertis» pen «Oqjetpestiń» oryndarynda joǵary lıgada dop tebýge múmkindik aldy. Buǵan qosa, chempıonattaǵy kvota sany taǵy ekeýge artqan soń, ol oryndar Birinshi lıgada óz konferensııalarynda ekinshi oryn alǵan «Aqjaıyq» (Oral) pen «Arys» (Túrkistan oblysy) komandalaryna buıyrdy.
О́tkenge kóz júgirtsek, 2012 jyly fýtboldan ótken Qazaqstan chempıonatynda 14 komanda baq synaǵan eken. Sol jyly Qaraǵandynyń «Shahteri» qatarynan ekinshi jyl chempıon atanǵan. Al Almatynyń «Qaıraty» (11-oryn) men О́skemenniń «Vostogy» (12-oryn) sońǵy oryndarda qalyp qoıǵannan keıin kelesi jyly Birinshi lıgada dop tebýi kerek edi. Alaıda dál bıylǵydaı QFF Atqarýshy komıtetiniń kezekti otyrysynda komandalar sanyn 14-ke deıin kóterý máselesi qaralyp, aqyr sońynda oń nátıjesin tapqan-dy. Sonyń arqasynda «Qaırat» joǵary lıgadaǵy ornyn saqtap qaldy. Sonymen qatar Birinshi lıgada alǵashqy eki oryndy ıelengen «Suńqar» (Almaty) men «Oqjetpes» (Kókshetaý) tikeleı Premer-lıgaǵa shyqsa, komandalar sanynyń artýyna baılanysty Birinshi lıgada tórtinshi orynǵa turaqtaǵan Oraldyń «Aqjaıyq» klýby da el chempıonatynyń joǵary tobynda óner kórsetýge múmkindik aldy. Degenmen 2013 jyly QFF sheshimi boıynsha Qyzylordanyń «Qaısary» joǵary lıgadan alastatylyp, Birinshi lıgada top jarǵan «Ile-Sáýlet» qarjylyq qıyndyǵyna baılanysty elıtaly dıvızıonnan bas tartqan soń, QPL-da óner kórsetetin komandalar sany taǵy 12-ge deıin qysqarǵan edi.
2012 jyly «Qaırattyń» tómengi lıgaǵa túsip qala jazdaýynyń arqasynda Premer-lıga komandalarynyń sany 14-ke deıin ósse, mine, araǵa 9 jyl salyp «Qaırat» chempıon atanǵanda taǵy da fýtboldan el chempıonatynda 14 komanda baq synaıtyn boldy.
Mamandar týrnırge qatysýshylardyń sanyn arttyrý oıyn kúntizbesin ońaı josparlaýǵa múmkindik beredi dep sanaıdy. Bul eń aldymen qazirgideı qıyn kezeńde mańyzdy bolyp otyr. Sonymen qatar jarys ýaqytsha toqtatylǵan jaǵdaıda da maýsymdy ýaqytynda aıaqtaýǵa múmkindik bar. Al Olimpbet-fýtboldan Qazaqstan chempıonatynda óner kórsetetin komandalar qataryn tolyqtyrý týraly sheshim sport qaǵıdasynyń talaptaryna saı jáne fýtbol klýbtarynyń sertıfıkattaý erejelerin oryndaý jaǵdaıyna baılanysty qabyldanady. Erejede bekitilgen ózgerister boıynsha jarysty qabyldaıtyn stadıon oıynǵa daıyn bolmasa, aıypty komanda matchty qarsylasynyń alańyna aýystyrýǵa májbúr bolady. Sonymen qatar ózge oıyndarda jınaǵan úsh upaıynan aıyrylady.
QFF resmı habar taratqannan keıin fýtbol jankúıerleri ishki chempıonatta komanda sanyn kóbeıtý máselesi nege bıyl ǵana qolǵa alynǵanyn túsinbeı dal bolýda. О́ıtkeni dál qazir el chempıonatynda klýb sanyn kóbeıtýge esh qajettilik týyndap otyrǵan joq. Onyń ústine, jańadan qosylǵan komandalar úzdikterge pálendeı qarsylyq kórsetip, chempıonattyń kórigin qyzdyrady dep te aıta almaımyz. Sonymen qatar Qazaqstan Prezıdenti Qasym-Jomart Toqaev byltyrǵy Joldaýynda kásipqoı klýbtardy kvazımemlekettik sektorlardyń esebinen qarjylandyrýdy toqtatý kerektigin tapsyrǵan bolatyn.
Eger QFF bas hatshysy Azamat Aıtqojın aıtyp otyrǵandaı, chempıonatta 14 komandanyń bolýy rasynda da oıyn kúntizbesin josparlaýda tıimdi bolsa, onda QFF ókilderi osy ýaqytqa deıin komanda sanyn 14-ke deıin nege kóbeıtpegen?! Negizi bul jerde másele basqada sııaqty. Iаǵnı «joǵarydan» jańadan qurylǵan Túrkistan oblysynyń komandasy bıyl el chempıonatyna qatyssyn degen pármen kelgen bolýy bek múmkin. О́ıtkeni byltyr jazda 7 myń adamǵa arnap salynǵan «Túrkistan Arena» stadıonynyń qurylysy aıaqtalyp, paıdalanýǵa berilgen bolatyn.
Osylaısha, bıyldan bastap fýtboldan el chempıonatyna qatysatyn komandalar sany da, geografııalyq aımaqtary da keńeıedi. Al qurylǵanyna 19 jyl bolǵan «Arys» (komanda ataýy ózgerýi múmkin – Á.B.) klýby Premer-lıgada debıýt jasamaq.
