Oqıǵa Qarabalyq aýylynyń Tıtov kóshesindege úıde bolǵan. Aýdandyq № 11 órt sóndirý bólimine habarlama kelip túsken. Kórshileriniń habarlaýynsha, 1953 jyly týǵan zeınetkerdiń úıinen órt shyqqan.
«Peshtiń janyndaǵy úı zattary órtengen, bastapqyda 8 sharshy metr aýmaqta tóbe taqtaıshalary janǵan, órt oshaǵy tez taralyp, úıdiń ekinshi jartysyna taralý qaýpi tóndi. Sondyqtan órt sóndirýshiler otty meılinshe tez aýyzdyqtaýǵa eki ádisti paıdalandy. Birinshi top tikeleı órt oshaǵyn sóndirse, ekinshisi úı mańyndaǵy qurylys nysandaryndaǵy jalyndy aýyzdyqtady. Úı ıesiniń 1974 jyly týǵan uly órt taraǵan bólmede qalyp qoıǵan. Onyń ekinshi toptaǵy múgedektigi bar ekeni anyqtaldy. Gaz-tútinnen qorǵaý qyzmeti er adamdy dárigerlerge tapsyrdy. Alaıda ol ortalyq aýdandyq aýrýhananyń jansaqtaý bóliminde jan tapsyrdy», delingen vedomstvonyń aqparatynda.
Qostanaı oblysynyń TJD pesh jáne elektr tehnıkalaryn qaraýsyz qaldyrmaýǵa shaqyrady. Qaýipsizdik erejelerine sáıkes tez janatyn qurylys jáne turmys zattaryn peshke jaqyn ornalastyrýǵa tyıym salynǵan.
