Dástúr boıynsha saltanatty sharany baýyrlas qalalardyń halyqaralyq qaýymdastyǵy – Sister Cities International uıymy ótkizdi. Pandemııaǵa baılanysty bıyl shara onlaın-rejımde ótti.
Merekede belgili spıkerler men oryndaýshylar sóz sóıledi, olardyń ishinde: gýbernator Bıll Anabýttı, Djozefına Bıvers, general-maıor Armando Kabada, kongressmen Eleonora Holms Norton, maıor Tım Keller, senator Bob Menendez, AQSh teńiz orkestri, Kerol Robertson Lopez jáne basqalar bar.
Saltanatty rásim kezinde Dımash qazaqtyń halyq áni «Samaltaýdy» oryndady. Buǵan deıin AQSh-tyń saılanǵan prezıdentin ulyqtaý aptalyǵynyń ashylýynda qazaqstandyq ánshi án shyrqamaǵan. Osy oraıda Dımash Qudaıbergen osyndaı ataýly merekege shaqyrǵandary úshin SCI ókilderine óz alǵysyn bildirdi.
