Aýrýhana ótken jyldyń jeltoqsan aıynyń basynda bastalǵan jalpy sanıtarlyq-dezınfeksııalyq emdeýden keıin naýqastardy bıyl 20 qańtardan bastap qaıta qabyldaı bastaıdy.
Esterińizge sala keteıik, Modýl-1 2020 jyldyń sáýir aıynan bastap qarasha aıynyń sońyna deıin pandemııanyń eń órshigen kezinde jumys istedi. Barlyǵy 3 430 naýqas emdeldi. Qazirgi ýaqytta ǵımarat, palatalar men jabdyqtar tolyq óńdelgen, barlyq parametrlerge sáıkes keledi, modýlde jylý, barlyq jabdyqtar, sonyń ishinde qarqyndy terapııa jáne reanımasııa jumys jasaýǵa ázirlengen.
Infeksııalyq aýrýhananyń modýldik gospıtali qýattylyǵy 280 tósek-orynǵa arnalǵan qýattylyqqa ıe. Ártúrli ınfeksııalyq aýrýlary bar naýqastardy senimdi oqshaýlaýdy qamtamasyz etedi. Qabyldaý-keńes berý bólimshesi kósheden jeke kiretin esigi bar 6 bokstan turady jáne naýqastardyń aıqaspaly ınfeksııasyn boldyrmaıdy. Bólimshede kompıýterlik tomografııa, ýltradybystyq dıagnostıka, beıneendobronhoskopııa, elektrokardıografııa syndy dıagnostıkalyq jáne emdeý is-sharalaryn júrgizý múmkindigi bar. Aýrýhanada 28 tósek-orynǵa arnalǵan iri reanımasııalyq bólim jumys isteıdi, ol saraptamalyq klastaǵy zamanaýı medısınalyq jabdyqtarmen jáne senimdi jeldetý júıesimen jabdyqtalǵan.
Almatyda medısınalyq uıymdardyń ınfeksııalyq palatalarynda barlyǵy 7 011 oryn bar.
