Qatysýshynyń aıtýynsha, eriktilerge jarty mıllıon teńge mólsherinde saqtandyrý tólenetini aıtylǵan. Sertıfıkatqa sáıkes, synaq sýbektisinde vaksınasııa saldarǵannan I, II, III toptaǵy múgedektik nemese ólim jaǵdaıy tirkelse tólemaqy beriledi. Saqtandyrý 180 kúnge (6 aı) jaramdy.
QazSovid-in qazaqstandyq vaksınasyn klınıkalyq zertteý III kezeńnen turady jáne oǵan 3 myń adam qatysady. Eriktiler Almaty men Taraz qalalarynda qabyldandy.
Vaksına salýdyń eki kezeńi bar: birinshi dozany 1-kúni, ekinshi dozany – 21-kúni salady.
QazSovid-in ınaktıvtendirilgen vaksınasyn ázirleýmen bıologııalyq qaýipsizdik problemalarynyń ǵylymı-zertteý ınstıtýty ótken jyldyń naýryz aıynyń sońynan bastap aınalysady. Tamyz aıynda Dúnıejúzilik densaýlyq saqtaý uıymy (DSU) qazaqstandyq koronavırýsqa qarsy vaksınany klınıkalyq synaqqa jiberilgen vaksınalar tizimine resmı túrde engizgeni belgili boldy. Qazir klınıkalyq synaqtyń III kezeńi ótip jatyr.
Aıta keteıik, bul vaksınany bilim jáne ǵylym mınıstri Ashat Aımaǵambetov, Jambyl oblysynyń ákimi Berdibek Saparbaev jáne Prezıdenttiń kómekshisi Erlan Qarın saldyrǵan bolatyn.
