Qazaqstan • 19 Qańtar, 2021

Bıyl Qazaqstandaǵy 793 eldi mekende sýmen jabdyqtaý júıeleri salynady

13 ret kórsetildi

2020 jyldyń qorytyndysy boıynsha 17,5 mıllıon adam aýyz sýmen qamtyldy. Bul týraly QR Indýstrııa jáne ınfraqurylymdyq damý mınıstrliginen málim boldy, dep habarlaıdy Egemen.kz

«2020 jyly 304 jobany iske asyrýǵa 113 mlrd teńge bólindi. 4 425 shaqyrym sýmen jabdyqtaý jáne sý burý jelileri salyndy ári rekonstrýksııalandy. 2020 jyldyń qorytyndysy boıynsha qoljetimdilik aýyldarda 87,7 paıyzdy, qalalarda 97,5 paıyzdy qurady. Respýblıka boıynsha jalpy kórsetkish 93,1 paıyzǵa (17,5 mln adam) jetti», delingen vedomstvo málimetinde.

«Halyqty sapaly aýyz sýmen qamtamasyz etý boıynsha is-sharalardy jalǵastyrý úshin, Turǵyn úı-kommýnaldyq damýdyń 2020 – 2025 jyldarǵa arnalǵan «Nurly jer» memlekettik baǵdarlamasy aıasynda sýmen jabdyqtaý jáne sý burý júıelerin salý men rekonstrýksııalaý júrgizilýde. Baǵdarlamada 2025 jyldyń sońyna deıin respýblıka halqyn tolyq kólemde sýmen jabdyqtaý qyzmetterimen qamtý kózdelgen»,  dedi Qurylys jáne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov.

Qazirgi kezde elimizde 1 926 aýyldyq eldi meken aýyz sýmen qamtamasyz etý qyzmetterimen jabdyqtalmaǵan. Olardyń 838-i halyq sany 200-den kem shaǵyn aýyldar bolyp sanalady. Bıyl turǵyndar sany 200-den astam 793 eldi mekende sýmen jabdyqtaý júıelerin salý men rekonstrýksııalaý boıynsha jumystar jalǵasatyn bolady. «Qarajatty utymdy paıdalaný maqsatynda halyq sany 200-den kem aýyldarda sý tazartýdyń keshendi blok-modýlderi ornatylatyn bolady», dedi.

Qurylys jáne turǵyn úı-kommýnaldyq sharýashylyq isteri komıtetiniń tóraǵasy Marhabat Jaıymbetov.

 

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar