Atap aıtqanda, birneshe ret senip tapsyrylǵan múlikti ysyrap etken jáne talan-tarajǵa salǵan. Sondaı-aq, alaıaqtyq jolmen muǵalimderdiń qosymsha aılyǵyn ózine ıemdengen.
Tipti az qamtylǵan otbasy balalaryna ystyq tamaqqa bólingen aqshany da óz paıdasyna jaratyp kelgeni dáleldengen. Dese de, tergeý kezinde aıyptalýshy óz kinásin moıyndamady. Úkim oqylǵannan keıin ol sot zalynda qamaýǵa alyndy. «Bul qylmystyń barlyǵy karantın kezinde oryn alǵan. 2020 jyldyń naýryz-mamyr aılary aralyǵynda.
Iаǵnı ol muǵalimderdi aqysyz eńbek demalysyna shyǵarmas úshin, jumysta qaldyrý úshin olardan para talap etken. Parany qorqytyp alyp otyrǵan. Sot jaza taǵaıyndaý barysynda aıyptalýshy Qaltaevanyń jasaǵan qylmysynyń aýyrlyǵyn sezinbegenin, óz kinásin moıyndamaǵanyn, is boıynsha aýyrlatatyn mán-jaıdyń bar ekenin, al jeńildetetin mán-jaıdyń joq ekenin eskerdi.
Onyń tarapynan sybaılas jemqorlyqtyń júıeli túrde oryn alǵanyn eskere otyryp, tek qana bas bostandyǵynan aıyrǵanda ǵana bul jaza maqsatyna jetedi degen qorytyndyǵa keldik. Sottalýshy jazasyn qylmystyq-atqarý júıesiniń qaýipsizdigi ortasha túzeý mekemesinde óteıdi»,- dedi úkimdi oqyǵan sýdıa Aınel Oraqbaeva.
