Elbasy • 19 Qańtar, 2021

Elordada Elbasyǵa ártúrli eldiń dıplomattary syılaǵan eksponattar kórmesi ótti

45 ret kórsetildi

QR Tuńǵysh Prezıdenti - Elbasy kitaphanasynyń jańa mýzeıinde «Ásemdiktiń, úndestik pen sulýlyqtyń nyshany» qor kórmesi ashyldy, dep habarlaıdy Egemen.kz

Kórmede tehnıkasy men pishini jaǵynan alýan túrli qumyranyń elýden astam úlgisi usynylǵan. Ydystar farfor, qysh, shyny, metaldan jasalǵan. Olar Túrkııa, Qytaı, Reseı Eýropa, Orta Azııa, Japonııa, Vetnam, Malaızııa jáne taǵy da basqa elderdiń mádenıetin sıpattaıdy. Atalǵan jádigerler Elbasy kitaphanasy qorynda saqtaýly turǵan qumyralar toptamalarynyń kishigirim bóligi ǵana.

«Usynylyp otyrǵan eksponattar tek óner jádigerleri emes, olar N.Á.Nazarbaevtyń konvektorly syrtqy saıasaty men respýblıkamyzdyń halyqaralyq bedelin aıǵaqtaıdy. Álem jurtshylyǵynyń Qazaqstanǵa degen qurmeti memleket jáne úkimet basshylarynyń, halyqaralyq uıymdar men dúnıejúzilik kompanııalar jetekshileriniń tartý etken syılyqtarynan kórinis taýyp otyr. Kórmedegi kez kelgen qundy eksponat elimizdiń halyqaralyq qarym-qatynas ornatýdaǵy tarıhy, Elbasynyń jeke tájirıbesi men taptyrmas saıası kóregendiginiń dáleli ekeni sózsiz», deıdi QR Tuńǵysh Prezıdenti - Elbasy kitaphanasynyń dırektory Baqytjan Temirbolat.

86



Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar