Qalalyq №2 soty baspasóz qyzmetiniń málimetine súıensek, jeńil jolmen aqsha tapqysy kelgen er adam aldyn ala jospar quryp sol boıynsha áreket etken. «Ol óziniń tanystaryna, dostaryna, týystaryna habarlasyp banktik kartalarynyń rekvızıtterin suraǵan.
«Maǵan bir adam istegen jumysym úshin aqsha tóleý kerek. Biraq banktik kartam buǵattalyp tur. Sol úshin sizdiń shotyńyzǵa jiberse», deıdi ol.
Buǵan sengender suraǵanyn aıta salǵan. Osylaısha 8 adam aldanyp qaldy. Rekvızıtterge qol jetkizgen er adam ınternet-termınaldarǵa olardyń árqaısynyń atynan bir emes, birneshe nesıeden rásimdegen», delingen habarlamada.
Jábirlenýshilerdiń shotyna aqsha túsken kezde ol qaıta kelip sol somany sheshkizip alǵan. Al araǵa biraz ýaqyt salyp arbalǵan azamattarǵa sot oryndaýshylarynan qaryzdy tóleý týraly talap kelgen.
Sot úkimimen aıyptalýshy 4 jyl merzimge bas bostandyǵynan aıyryldy. Úkim tolyqtaı zańdy kúshine engen.
