Rýhanııat • 20 Qańtar, 2021

Qostanaı arhıvine Tatarstannan qundy qujattar ákelindi

59 ret kórsetildi

Qostanaı oblysynyń arhıvine Tatarstannan qundy qujattar ákelindi. Sonymen qatar arhıv qoryn kóbeıtý maqsatynda arnaıy jobalar qolǵa alyndy. Bul týraly О́ńirlik kommýnıkasııalar qyzmetiniń alańynda Aaqparattandyrý, memlekettik qyzmetter kórsetý jáne arhıvter basqarmasynyń basshysy Azamat Kashıev baıandady, dep habarlaıdy Egemen.kz

Azamat Kashıev «Arhıv-2025» jobasyn iske asyrý jónindegi keshendi josparlarymen bólisti. Onyń aıtýynsha, byltyr arhıv salasyn qarjylandyrýǵa aıtarlyqtaı mán berilip, 610,7 mln teńge qarastyryldy. «Onyń ishinde jergilikti bıýdjetten qosymsha 107 mln teńgeden astam qarajat bólindi.

40 kompıýter, A3 formatyndaǵy planshetti skanerlerdiń 17 danasy, 40 kúlgin-shamdy skaner satyp alyndy. Memlekettik arhıvter qory 392 qujat, 652 foto, 9 aýdıo, 50 vıdeomen tolyqtyryldy. Sondaı-aq Tatarstan Respýblıkasynyń arhıvterindegi Qazaqstanǵa, jalpy Qostanaı óńiriniń tarıhyna qatysty qujattar ákelindi», - deıdi basqarma basshysy.

Búginde Qostanaı oblysynyń memlekettik arhıvinde HV-HIH ǵasyrlar aralyǵyndaǵy óńirdiń saıası, áleýmettik jáne ekonomıkalyq tarıhy týraly derekter óte az. Sondyqtan arhıv qyzmetkerleri Reseı Federasııasynyń Chelıabi, Orynbor, Troısk qalalary men Tatarstan Respýblıkasyndaǵy áriptesterimen yntymaqtastyq ornatyp, ózara iskerlik qarym-qatynasty damytýda. Sońǵy 2 jylda oblystyq arhıvke Qostanaı tarıhyna qatysty birtalaı qujat ákelindi.

Onyń ishinde 1919 jylǵy Qostanaı mılısııa bólimshesiniń, 1919 jylǵy Qostanaı qalalyq partııa komıtetiniń hattamalary, Qostanaı oblysy aýdandarynyń shekaralaryn anyqtaýǵa qatysty qujattar, aýdandyq jáne qalalyq uıymdardyń qyzmeti, shirkeý jazbalary sııaqty qundy qujattar bar. Aqparattandyrý, memlekettik qyzmetter kórsetý jáne arhıvter basqarmasynyń bólim basshysy Saltanat Nurtasqyzynyń sózine qaraǵanda, Tatarstannan 1700 bettik qujattar ákelindi.

Onyń ishinde Qazan ýnıversıtetiniń kitaphanasyndaǵy sırek qoljazbalar men kitaptar qorynan II Ekaterına patshaıymnyń 1789 jyly qyrǵyz-qaısaq ordasynyń bodandyqqa adaldyǵy úshin bergen alǵysy bar. Budan bólek, II Ekaterına patshaıymnyń 1771 jyly 17 qańtarda Nuraly hanǵa qalmaqtardyń narazylyq bas kóterýine jol bermeý týraly jazǵan hat-habarlamasy, 1829 jyldyń 29 mamyrynda Orynbor general-gýbernatorynyń Jantóre Jáńgirov sultanǵa alǵys haty tabyldy.

Qazan muraǵattarynan qazaq halqynan shyqqan alǵashqy dáriger Muhamedjan Qarabaev pen uly aǵartýshy Ybyraı Altynsarınge qatysty tyń qujattar anyqtaldy. Arhıvshiler Altynsarın men Ilmınskııdiń ózara jazysqan hattarynyń tolyq kóshirmesin alyp, oblystyq arhıv qoryn tolyqtyrdy. Qazir bul qujattar sıfrlyq júıege kóshirilip jatyr, olar kópshilikke qoljetimdi bolmaq.

Arhıvter basqarmasy «Sıfrlyq Qazaqstan» memlekettik baǵdarlamasyn iske asyrý sheńberinde 21 memlekettik arhıv pen oblystyń 294 mekemesinde «Qujattardyń biryńǵaı elektrondyq arhıvi» júıesin engizdi.



Sońǵy jańalyqtar

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar