Búgingi kıno: Qytaı fılmderi top jardy

Álem boıynsha alǵashqy oryndy 460 mıllıon dollar jınaǵan Qytaıdyń «Segiz júz» atty patrıottyq ekshn-fılm ıelense, ekinshi orynnan kóringen «Meniń halqym, meniń Otanym» (433,3 mln) kınotýyndysy da Qytaı fılmi. «Tentek jigitter» (Bad Boys for Life) fılmi úshinshi orynnan tóbe kórsetse, Krıstofer Nolannyń «Ustanym» (Tenet) fılmi tizimde tórtinshi tur. Al alǵashqy bestikti qortyndylap turǵan «Sheksiz po­ıyz» (Kimetsu no Yaiba: Mugen Ressha-Hen) tolyqmetrli anımesi japon kassalarynda aıtýly rekord ornatty. Sonymen qatar «Ǵajaıyp áıel:1984» úmitti aqtaı almady. Gal Gadot amerıka prokatyn koronavırýs daǵdarysynan alyp shyǵady demesek te, úmit kútkender bolǵan edi. Pandemııa bastalǵaly beri «Ustanym» fılminen soń kınoteatr­larda kórsetilgen atalǵan fılmniń Rojdestvo meıramy qarsańynda ja­ryqqa shyqqanyn taǵy eskerińiz. Demalys ýaǵynda 16,7 mln dollardy qanjyǵasyna baılaǵan kórsetilimniń qarqyny jaman bolmaǵan-dy. Biraq qortyndylaı kelgende Krıstofer Nolannyń fantastıkalyq trılleriniń shańyna da ilese almaı qaldy. Jalpy alǵanda 40% kınoteatrlar jumys istep turǵan AQSh pen Kanadada «Ǵajaıyp áıel» úsh aptaǵa jeter-jetpes ýaqytta 32 mıllıon dollar jınapty. Al bul ýaqytta «Ustanym» fılmi Soltústik Amerıkada 57,9 mıllıon tabys tapty. Áıtse de «Ǵajaıyp áıeldiń» reıtıngi synshylar arasynda 60 paıyzdy kórsetip otyr, PostTrak servısiniń saýaldamasy boıynsha kórermender fılmge «B +» dep orta baǵa bergen. «Ǵajaıyp áıeldiń» Amerıkadan tys tólemderi 100 mıllıon dollarǵa jeteǵabyl. Gollıvýdtyń ózge de shyǵarylymdary sııaqty Petı Djenkınstiń fılmi, 32,6 mıllıon dollar tabys tapqan «Jan» fılmi qytaıdyń ózi túsirgen «Qyzyl gúl» (160 mln dollar) dramasyna jáne «Tegeýrindi tolqyn 2» (149 mln dollar) ekshn fılmin basyp oza almaǵany eleń etkizer jańalyq boldy.

Al eldegi fılmder jaıynda sóz qozǵar bolsaq, «Janym, aıtsam, sen­beı­siń» fılmi – kóp talqylanǵan ári kó­rermen tarapynan oń lebizge ıe bol­ǵan týyndy. 5 naýryzda prokatqa shyǵyp, bir aıdan keıin karantın kezinde kıno­teatrlardyń jabylýyna baı­lanys­ty kórsetilimi toqtap qalǵan edi. Fılm 17-23 qazan aralyǵynda Reseı­de ótken «Kınoshok» festıvalinde «Úzdik ssenarıı» nomınasııasyn, úzdik tolyq­metrli fılmge beriletin «Zolotaıa loza» júldesin, baspasóz dıplomyn ıelendi. Al qazaqstandyq rejısser Sharıpa Orazbaevanyń óz qarjysyna túsirgen «Márııam» atty kórkem fıl­mi de kóptiń nazaryna ilikken kar­tı­nalardyń qatarynda. Atalǵan kınotýyndy Fransııada ótken XXVI Vezýl kıno­festıvalinde bas júldege ıe bolǵan edi, áıel rejısserdiń bas júlde alýy –festıvaldiń 26 jyldyq tarıhyndaǵy alǵashqy aıtýly jaǵdaı.

Búgingi shaǵyn sholýymyzda el aýzyna ilikken negizgi fılmderdi qaperlerińizge salyp ótýge tyrys­tyq. Koronavırýs álemdik kıno ındýstrııa­sy úshin úlken soqqy bolyp tıgeni bel­gili. Mamandar ekinshi dúnıejúzilik soǵys­tan keıin kıno salasynyń mundaı daǵ­darysqa tuńǵysh ret ushyraǵanyn aıtady. Toqyraýǵa ushyraǵan kınoprokat jáne kınoteatrlar jelisi bar úmitin 2021 jylǵa artyp otyr.