Medısına • 22 Qańtar, 2021

Batys Qazaqstanda vırýsqa qarsy ekpe 180 myńnan asa adamǵa egiledi

17 ret kórsetildi

Batys Qazaqstan oblysynda koronavırýsqa qarsy 180 myńnan astam adamdy egý josparlanyp otyr, dep habarlaıdy Egemen.kz

Oblystyq sanıtarlyq-epıdemııalyq baqylaý departamenti basshysynyń orynbasary Nurlybek Mustaevtyń aıtýynsha, óńirde josparǵa sáıkes daıyndyq júrgizilip jatyr.

Koronavırýsqa qarsy birinshi kezekte juqpaly aýrýlar stasıonary, jedel járdem, sanıtarlyq-epıdemııalyq qyzmet mamandary, polısııa, bilim berý jáne medısına salasynyń qyzmetkerleri egiledi.

Nurlybek Ermekulynyń sózine qaraǵanda, aqpan aıynda Reseı Federasııasynda jasalǵan «Spýtnık V» vaksınasyn egý bastalady. Ekpe eki ret jasalady. Iаǵnı alǵashqy ret egilgen kezde adamnyń koronavırýsqa qarsy ımmýnıteti jartylaı, 21-inshi kúni ekinshi ret salynǵanda tolyq qalyptasady.

Sonymen qatar Qazaqstanda «Kazcovid-in» vaksınasy birinshi jáne ekinshi kezeńde synaqtan ótti. Úshinshi kezeńnen sátti ótse, ony da egý kózdelip otyr.

«Ekpe erikti túrde jasalady. Eshkimdi májbúrlemeıdi. Adam egiler aldynda medısına qyzmetkerinen qandaı vaksına ekenin, onyń qalaı áser etetinin surap, tolyq bilip alýǵa, sondaı-aq jasatýdan bas tartýǵa quqyly», dedi N.Mustaev.

Eske sala keteıik, budan buryn BQO-da jyl basynan beri myńǵa jýyq adamnan koronavırýs tabylǵanyn jazǵan bolatynbyz.

Sońǵy jańalyqtar

Tórt klýb top bastap tur

Fýtbol • Búgin, 00:00

Ezop pen Abaı

Rýhanııat • Keshe

Shyndyq pen ótirik

Qazaqstan • Keshe

Aıbardyń armany

Rýhanııat • Keshe

Túrkistanǵa 3000 jyl

Rýhanııat • Keshe

Uqsas jańalyqtar