ÚILESIMDI QADAMDAR JASAÝ MAQSATYNDA

19 sáýirde EQYU-nyń Is basyndaǵy tóraǵasy, Memlekettik hatshy – Syrtqy ister mınıstri Qanat Saýdabaev óziniń áriptesteri: reseılik – Sergeı Lavrovpen, qytaılyq – Iаn Szechımen jáne ıspanııalyq – Mıgel Anhel Moratınospen telefon arqyly kelissózder ótkizdi, dep habarlady SIM-niń baspasóz qyzmeti. Q.Saýdabaev pen S.Lavrov Qazaqstan­nyń, Reseıdiń jáne AQSh-tyń prezı­dentteri N.Na­zarbaevtyń, D.Medvedev pen B.Obamanyń birlesken kúsh-jigeri nátıjesinde, ári EQYU, BUU jáne Eýro­odaqtyń araaǵaıyndyǵy arqa­synda Q.Bakıevtiń Qyrǵyz­stan aýma­ǵyn tastap shyǵýy  qamtamasyz etilip, munyń ózi qo­­ǵam­nyń jiktelýine jáne Qyrǵyzstan­da­ǵy azamat soǵy­synyń yqtımal­dyǵyna jol berilmedi, dedi. Áń­gimelesýshiler bul el­degi ahýal­dy jedel jáne to­lyq turaqtan­dy­rý­dyń, quqyq tártibin qal­pyna keltirýdiń mańyzdylyǵyn jáne el halqynyń ómirin qamtamasyz etýdiń ózekti máselelerin she­shý qajettiligin atap ótti. Iаn Szechımen áńgime bary­synda taraptar kórshiles Qyr­ǵyzstanda qalyp­tasqan jaǵ­daıǵa alańdaýshylyq bildi­rip, ahýaldy qalpyna kel­ti­rý­de bul eldiń halqyna jáne Ýa­qytsha úkimetine qoldaý bil­di­rýdiń mańyzdylyǵyn atap kór­setti. Qazaqstan men Qy­taı jaǵynan Qyrǵyz­stanǵa kómek joldaýdyń basymdyǵy atap ótildi. Áńgimelesýshiler Qyrǵyzstandaǵy ahýaldy ret­teýge Shanhaı yntymaqtastyq uıymynyń resýrstaryn tartý jáne  bul máseleni uıymnyń alda bolatyn shara­la­rynda tal­qylaý  múmkindigin qarastyrdy. M.Moratınos Nursultan Nazarbaev­tyń EQYU-ǵa tór­aǵa­lyq etýshi Mem­le­kettiń bas­shysy retinde Qyrǵyz­stan­daǵy jaǵdaıdy turaqtan­dy­rýǵa qosqan úlesine Eýro­odaq atynan joǵary baǵa ber­di jáne Qyrǵyzstandy saıası daǵdarystan shyǵarý jóninde  Eýroodaqtyń EQYU-men ynty­maqtastyqty ulǵaıtýǵa ázir ekendigin  bildirdi. EQYU-nyń Is basyndaǵy tóraǵasy retinde Q.Saýdabaev óz suhbattastaryn Prezıdent Nursultan Nazarbaevtyń tap­syrmasymen jaǵdaıǵa jer­gi­likti orynda baǵa berý jáne Qyrǵyzstannyń Ýaqytsha úki­meti basshylyǵymen, qoǵam­dyq-saıası toptardyń jáne aza­mattyq qoǵamnyń ókilderimen eldegi áleýmettik-ekonomı­kalyq jáne saıası ómirdi qalpyna keltirý jol­daryn talqylaý úshin 20 sáýirde ózi­niń Bishkekke baratyny týraly habardar etti.