Búkil Eýropaǵa ortaq bolǵan valıýta tabyldy

Tarıh • 25 Qańtar, 2021

Búkil Eýropaǵa ortaq bolǵan valıýta tabyldy

36 ret kórsetildi

Nıderlandylyq zertteýshiler Eýropa elderine ortaq bolǵan valıýtany tapty, dep habarlaıdy Egemen.kz

Nıderlandynyń Leıden ýnıversıtetiniń zertteýshileri qola saqınalar, bilezikter, tipti 5 myń jyl burynǵy baltanyń basyn zerttep, qola dáýirinde olar Eýropada alǵashqy jalpy valıýta retinde paıdalanyldy degen tujyrym jasady.

Zerttelgen nysandar ártúrli arheologııalyq oryndardan, sonyń ishinde qazirgi Germanııa, Aýstrııa, Chehııa, Skandınavııa terrıtorııalarynan shyqqan. Tek jeke zattar ǵana emes, júzdegen danadan turatyn kolleksııa da bar. Nysandar ártúrli aımaqta tabylǵanmen, olardyń pishini men salmaǵy birdeı. Zerttelgen barlyq saqınanyń shamamen 70 paıyzynyń salmaǵy - 195 gramm.

Ǵalymdardyń aıtýynsha, erte qola dáýirindegi eýropalyqtar bul zattardyń pishini men salmaǵyn valıýta retinde paıdalaný úshin birdeı qylǵan. Onyń belgisi pishini men salmaǵy, uqsastyǵy jáne jıi kezdesetininde.

Ǵalymdar ejelgi adamdar alys ara-qashyqta ortaq valıýta retinde qyzmet etý úshin zattardyń standartty mólsheri bolýy kerek ekenin túsingen deıdi.

«Salystyrmaly salmaq pen ólsheý júıesin jasaý adam aqylynyń mańyzdy tarıhı jetistikteriniń biri», dep túsindirdi Leıden ýnıversıteti Arheologııa kafedrasynyń qyzmetkeri Maıkel Kýıdjpers pen Katalın Popa.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz