Qoǵam • 25 Qańtar, 2021

Saý adamdarǵa PTR-test jasaýǵa bolmaı ma?

16 ret kórsetildi

Qazaqstandyqtar PTR-testileý deni saý adamdar úshin jaramsyz degen aqparatty talqylaýda. Bul týraly fransýz dárigeri Krıstıan Perron málimdegen eken. Onyń aıtýynsha, taldaýdyń bul ádisi 90%-5a deıin jalǵan oń nátıje beredi6 dep habarlaıdy Egemen.kz 

Áıgili ınfeksıonıst Krıstıan Perron, eń aldymen, «Olar jasamaǵan qatelikter bar ma?» degen eńbegimen kópshilikke tanymal. Onda ol Fransııada qabyldanǵan pandemııaǵa qarsy sharalardy synǵa alady. 

Sonymen qatar, Doktor Perron COVID-19 gıdroksıhlorohınmen emdeýdi qoldaıdy. AQSh-tyń azyq-túlik pen dári-dármek sapasyn sanıtarlyq qadaǵalaý basqarmasy bul preparattyń tıimdiligin 2020 jyldyń maýsym aıynda joqqa shyǵarǵan bolatyn.

«Sońǵy nátıjelerdi eskere otyryp, aýrýhanaǵa jatqyzylǵan pasıentterdiń úlken aralas tobynda klınıkalyq zertteý júrgizildi jáne bul dáriniń ólim yqtımaldyǵyn tómendetýde nemese qalpyna keltirýdi jedeldetýde artyqshylyqtary baıqalmady degen qorytyndy jasaldy», delingen vedomstvonyń resmı saıtynda.

PTR testileý ádisin deni saý adamdar úshin qoldanýdyń tıimsizdigine keletin bolsaq, bul teorııa da durys emes. Mundaı test júıeleriniń jalǵan oń jáne jalǵan teris nátıjeler bere alatyny ras, biraq buǵan jol bermeýge de bolady. DDSU-nyń resmı saıtynda dárigerler men medısına qyzmetkerlerine arnalǵan usynystar jarııalanǵan. Olardyń aıtýynsha, jalǵan nátıje aǵzada vırýs konsentrasııasy tómen adamdarda bolýy múmkin. Mundaı jaǵdaılarda mamandar qaıta tekserý júrgizýi kerek.

PTR testileýdiń jalǵan nátıjesiniń yqtımaldyǵy 90% ekendigi týraly esh jerde habarlanǵan joq. DDSU jáne Aýrýlardy baqylaý ortalyǵy PTR synaqtaryn SARS-CoV-2 anyqtaýdyń eń tıimdi ádisi retinde usynady.

Doktor Perron PTR testti ázirleýshi Kerı Mýllıstiń óz ónertabysynyń vırýstardy anyqtaı almaıtyndyǵy týraly «málimdemesine» súıenedi. Bul dáleldiń shyndyqqa eshqandaı qatysy joq. Kerı Mýllıs PTR-ádistemesi arqyly AITV-ny dıagnostıkalaý týraly ǵana aıtqan. Onyń COVID-19 nemese aýrýdy dıagnostıkalaý ádisteri týraly aıtýy múmkin emes, sebebi ol SARS-CoV-2 vırýsy adamzatqa belgili bolǵanǵa deıin qaıtys bolǵan. 

PTR taldaý ádisi gerpes, jynystyq ınfeksııalar, gepatıt, kandıdoz, týberkýlez, APV jáne basqa da kóptegen aýrýlardy anyqtaýda nátıjeli qoldanylyp keledi.

Demek, saý adamdar úshin PTR testtiń orynsyz, tipti qaýipti ekendigi faktilermen rastalmaıdy.

Sońǵy jańalyqtar

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

Uqsas jańalyqtar