Qarjy • 25 Qańtar, 2021

Salymshylar tabysy 1,2 trıllıon teńgeden asty

27 ret kórsetildi

 

Biryńǵaı jınaqtaýshy zeınetaqy qory salymshylarynyń zeınetaqy jınaqtarynyń somasy 2021 jyldyń 1 qańtarynda 12,9 trıllıon teńgeden asty. Oǵan zeınetaqy jarnalary men ınvestısııalyq tabys kiredi.

2020 jyly salymshylar shottaryna 1,2 trln teńge taza ınvestısııalyq kiris túsken. Bul 2019 jylmen (641,8 mlrd teńge) salystyrǵanda eki esege artyq kórsetkish. 2020 jyly ınflıasııa 7,5 paıyz bolǵan kezde tabystylyq 10,92 paıyzdy quraǵan.

Jeke zeınetaqy shottaryna (JZSh) túsetin, esebin BJZQ júrgizetin zeınetaqy jarnalaryn zeınetaqy aktıvterin senimgerlikpen basqarýshy Ulttyq Bank túrli qarjy quraldaryna ınvestısııalaıdy. Salymshylardyń (alýshylardyń) zeınetaqy jınaqtarynyń somasy zeınetaqy aktıvterin ınvestısııalaý nátıjelerine sáıkes kún saıyn qaıta esepteledi jáne qaıta baǵalanady. Investısııalyq tabystyń quramyna baǵaly qaǵazdar (salymdar jáne basqa da operasııalar) boıynsha syıaqy, qarjy quraldaryn naryqtyq qaıta baǵalaý, valıýtalyq qaıta baǵalaý, syrtqy basqarýdaǵy aktıvter boıynsha kirister jáne taǵy basqa quraldar kiredi.

«Jalpy alǵanda, barlyq zeınetaqy aktıvteri BJZQ-ǵa biriktirilgen sátten bastap Ulttyq bank qamtamasyz etken ınvestısııalyq tabys 4,7 trln teńgege jetti. 2021 jyldyń 1 qańtaryna zeınetaqy jınaqtarynyń jalpy kólemindegi taza ınvestısııalyq tabystyń úlesi 34,5 paıyzdyqurady. Eger Qazaqstannyń jınaqtaýshy zeınetaqy júıesi qurylǵan 1998 jyldan bergi kezeńdi alatyn bolsaq, taza ınvestısııalyq tabys 5,5 trıllıon teńgeden asty. Osy ýaqyt ishinde ınvestısııalyq kiristilik ósý qorytyndysymen 602,90 paıyz boldy. Al ınflıasııa 496,65 paıyz. Osylaısha 2021 jylǵy 1 qańtardaǵy jaǵdaı boıynsha zeınetaqy aktıvteriniń naqty tabystylyǵy 106,25 paıyzǵa teń» delingen BJZQ habarlamasynda.

BJZQ habarlaýynsha, ınvestısııalyq basqarý men zeınetaqy aktıvterin esepke alýdyń barlyq júıesi ashyq: árbir salymshy óziniń ınvestısııalyq tabysyn enpf.kz saıtyndaǵy jeke kabınetten nemese uıaly qosymshanyń kómegimen baqylaı alady. BJZQ-nyń zeınetaqy aktıvterin ınvestısııalyq basqarý jáne zeınetaqy aktıvteri ornalastyrylǵan qarjy quraldary týraly aqparat qordyń resmı saıtyndaǵy (www.enpf.kz) «Kórsetkishter/Investısııalyq qyzmet» bóliminde jarııalanyp otyrady.

Sońǵy jańalyqtar

Jańa basylym – jaqsylyqtyń jarshysy

Rýhanııat • Búgin, 18:34

Koronavırýs gúl arqyly juǵa ma?

Koronavırýs • Búgin, 17:08

Almatyda páter urylary ustaldy

Aımaqtar • Búgin, 16:37

Oralda 17 jastaǵy jigit kópirden sekirdi

Aımaqtar • Búgin, 15:18

«Nissan Primera» kóligi jylqy soqty

Aımaqtar • Búgin, 13:25

Uqsas jańalyqtar