Barlyq COVID-19 qarsy vaksınanyń quramy birdeı me?

Sondaı-aq, ol SARS-Cov-2 vırýsynyń joq ekendigi, bul vırýsqa patent berilgeni týraly tanymal feıkterdi aıtady. Onyń sózinshe, konspırologtardy áleýmettik jelilerde jalǵan aqparat taratqany úshin emes, «Koronavırýs» saýda markasyn ataǵany úshin buǵattaıdy.

Beınerolıktiń avtory – «Zloı Ekolog» You-Tube-arnasynyń júrgizýshisi. Ol ózge ǵalamdyqtarmen baılanys, meteorıtterdiń qupııalary jáne saıası qastandyqtar týraly beınerolıkter jarııalaıdy. Bul rette ol aqparatty «qupııa ınsaıderden» alatynyn habarlady, avtor vıdeolarynda onyń atyn atamaıdy.

COVID-19 taqyrybyna arnalǵan vıdeo Irlandııa bıligi Sars-CoV-2 vırýsynyń joq ekenin moıyndady degen málimdemeden bastalady. Olaı emes. Bul málimdeme jýrnalıst Djemma O’Doertıdiń baıandamasyna negizdelgen, onda ol Irlandııanyń Densaýlyq saqtaý departamentine ótinish jibergenin jáne oǵan vırýstyń joq ekendigi týraly naqty jaýap alǵanyn aıtady. Shyn máninde, jýrnalıstiń ótinishi SARS-CoV-2 vırýsy da, COVID-19 aýrýy da ǵylymı fakt bolǵandyqtan qabyldanǵan joq. 

Vırýs genomy tolyǵymen ashyldy jáne 2020 jylǵy 10 qańtardan bastap kópshilikke qoljetimdi. Vırýstyń genomyn birinshi bolyp qytaı ǵalymdary sıpattaǵan. 
2020 jylǵy naýryzda Reseı mamandary da aýrýdyń dınamıkasyn jaqsy zertteý úshin vırýstyń genomyn zerttep, ashty degen aqparat tarady. 

SARS-CoV-2 vırýsy týraly tolyq málimetter jáne onyń sıpattamasy DDSU saıtynda da bar. Dál osy málimetterdiń negizinde vaksınalar ázirlendi jáne ázirlenýde. Ǵalymdar ártúrli ádis-tásilderdi qoldanýda. Búgingi kúni qoldanylyp jatqan preparattardyń platformalary ártúrli. Keıbireýleri matrısalyq RNQ negizinde jasalsa, reseılik «Spýtnık-V» preparaty adenovırýs vektorynda jasalǵan. Klınıkalyq nemese klınıkaǵa deıingi synaqtardan ótip jatqan basqa vaksınalar da belsendi emes vırýs, DNQ jáne basqa platformalardyń kómegimen ázirlenýde

Vaksınalardyń quramynda lıýsıferın bolatyny týraly buǵan deıin jazǵan bolatynbyz. Bul mıftik qarańǵy kúshterdiń dári-dármek jasaýǵa qatysatynynyń belgisi bolyp tabylatyn qorqynyshty ataýy bar qupııa komponent emes. Lıýsıferın – bıolıýmınessensııaǵa jaýap beretin tabıǵı komponent. Lıýsıferınder sańyraýqulaqtarda, jaryq qońyzda, ulýlar men qońyzdarda, kalmar men asshaıandarda, sondaı-aq basqa da balyqtar men jándikterde kezdesedi.

Indettiń qoldan jasalǵandyǵyn kórsetetin ártúrli «koronavırýstyq patentter» týraly esepter birneshe ret teriske shyǵaryldy, sondaı-aq, vırýs múldem joq degen alǵashqy tezıske tikeleı qaıshy keledi.

Áleýmettik jelilerde «Koronavırýs» «saýda markasyn» ataǵany úshin buǵattaý týraly málimdeme durys emes. YouTube platformasyn paıdalaný erejelerine sáıkes, eger rolıktiń avtory ózin basqa adam retinde kórsetse, spam, feık jańalyqtar men alaıaqtyq habarlamalar taratsa buǵattalýy múmkin. Sondaı-aq, kórineý jalǵan aqparat jarııalanǵan nemese platformany paıdalaný erejelerin buzatyn mazmunǵa ıe platformalarǵa aparatyn siltemelermen bólisýge tyıym salynady. Paıdalaný erejelerinde saýda markalaryn atap ótýge tyıym salynbaǵan.

Sonymen qatar, jelide «Koronavırýs», COVID, Coronavirus jáne t.b. sózderi bar saýda belgileri tirkelgeni týraly málimetter joq. Osyndaı ataýy bar patentter boıynsha barlyq ótinimder qabyldanbaǵan. Rýnette «Koronavırýs» saýda markasyn tirkeýge ótinish berý týraly jańalyq 2020 jylǵy 1 sáýirde jarııalanǵan, onda egjeı-tegjeıli eshteńe joq jáne odan ári eshqashan aıtylmady.

Qoryta aıtqanda, beınerolıkte aıtylǵan barlyq málimdemeler buǵan deıin jáne birneshe ret teriske shyǵarylǵan feıkterdiń jıyntyǵy bolyp tabylady.