Elordalyq biryńǵaı dıstrıbıýtor 85 memlekettik medısınalyq uıymdy dári-dármekpen tegin qamtamasyz etedi. Qoımanyń jalpy aýmaǵy 6,5 myń sharshy metrdi quraıdy, onda dári-dármekti saqtaýǵa qajetti muzdatqysh kameralary, bólingen aımaqtar, belgili bir temperatýralyq rejim syndy barlyq jaǵdaı qamtylǵan.
«SQ-Farmasııa» JShS Basqarýshy dırektory – Basqarma múshesi Aımurat Salıev elordalyq habta ótken monıtorıngte: «Nur-Sultan qalasyndaǵy Biryńǵaı dıstrıbıýtor arqyly Soltústik Qazaqstan, Pavlodar, Aqmola, Qaraǵandy, Qostanaı oblystary jáne Nur-Sultan qalasyndaǵy 85 medısınalyq uıym qamtamasyz etiledi. Onyń ishinde 5 respýblıkalyq klınıka men 80 qalalyq mańyzy bar medısınalyq uıym bar. Bizde dári-dármek bir jyldan eki jylǵa deıin saqtalady. Shilde aıynda vedomstvoaralyq komıssııanyń qaýlysy boıynsha 44 ataýdan turatyn dári-dármektiń azaımaıtyn qoryn qurý týraly tapsyrma berildi. Jeltoqsan aıynda Densaýlyq saqtaý mınıstrliginiń tapsyrmasymen, úsh dárilik zat bir preparatqa aýystyryldy, bir preparat – «Remedısıvır» koronavırýsty emdeý protokolynan shyǵaryldy. Sol sebepti qazir 44 ataýdyń 40-y saqtalýda. Dáriler boıynsha tapshylyq joq. Munda eki aılyq dári-dármekter qory qurylǵan», dep atap ótti.
Uıymnyń habarlaýynsha, azaımaıtyn qordyń eń tómengi tólemi eki aılyq bolýy kerek. Iаǵnı aı saıyn keminde 60 myń pasıentti emdeýge jetkilikti dári-dármek bolýy kerek. Iаǵnı, bul qordan qandaı da bir dári óńirlerge jiberilse, dereý tolyqtyrylyp otyrýy kerek. Qazirgi ýaqytta pandemııa kezinde «SQ-Farmasııa» qoımalarynyń jumysy ózgergen.
Jumysshylar táýlik boıy úzilissiz birneshe aýysymmen jumys isteıdi. Kelgen dári-dármek qoımada kóp jatpaı, birden úılestirilip, tıeledi. Sonymen birge Sybaılas jemqorlyqqa qarsy is-qımyl agenttiginiń elordalyq departamentindegi prevensııa jáne parasattylyq basqarmasynyń basshysy Marat Haırýllın monıtorıngti qorytyndylady.
«Búgin «Astana – adaldyq alańy» jobasy aıasynda «SQ-Farmasııa» qoımalarynyń dárilik zattarmen jáne qorǵanysh quraldarymen qamtamasyz etý qyzmetine monıtorıng júrgizdik. «SQ-Farmasııa» uıymy keltirgen derekterge sáıkes, qoımada tótenshe jaǵdaılarǵa, onyń ishinde koronavırýs ınfeksııasyna arnalǵan qor bar. О́zderińiz biletindeı, pandemııanyń basynda dári-dármekpen qamtamasyz etý júıesiniń jetkilikti deńgeıde bolmaǵany aıtylyp edi. Qazir jaǵdaıdyń túzelgenin kórip otyrmyz, barlyq dári-dármek jetkilikti, densaýlyq saqtaý qyzmetkerleri jeke qorǵanys quraldarymen jabdyqtalǵan. Monıtorıngtiń negizgi maqsaty – sybaılas jemqorlyq faktilerine jol bermeý, onyń ishinde qoǵamdy memlekettik uıymdar jumysyn baqylaýǵa tartý. Búgingi tekserý boıynsha eskertýler bolǵan joq, «SQ-Farmasııa» densaýlyq saqtaý nysandaryna jiberiletin barlyq josparly shyǵyndar týraly málimetti berdi», deıdi Marat Haırýllın.
