Aımaqtar • 27 Qańtar, 2021

Nur-Sultanda úı ishine gaz ornatý quny 30%-dan astam arzandady

7 ret kórsetildi

Nur-Sultanda úı ishine tikeleı gaz ornatý quny 30%-dan astam tómendedi, dep habarlaıdy Egemen.kz qala ákimdiginiń saıtyna silteme jasap.

Elorda ákimdigi montajdaý jumystarynyń qurylysyna mamandanǵan jeke uıymdarmen birneshe ret kezdesý ótkizdi.

Osylaısha, mysaly, "Álııa servıs" JShS úı ishinde gaz ótkizý qunyn 240 myń teńgeden 150 myń teńgege deıin tómendetti (37,5% - ǵa), "QaztransGaz Aımaq" AQ - 123 myń teńgege jýyq jáne basqa da birqatar jeke uıym úı ishine gaz ótkizý qunyn arzandatty. Bul somaǵa gaz jabdyǵy men jıyntyqtaýyshtardyń quny kirmeıdi.

Esterińizge sala keteıik, Turǵyn úı alaptarynda gaz taratý jelilerin, onyń ishinde turǵyn úıler boıyndaǵy oramishilik jelilerdi salýmen Nur-Sultan ákimdigi aınalysady, al úı ishine tikeleı jetkizýine jeke uıymdar jaýapty.

Turǵyndar kez-kelgen mamandandyrylǵan kompanııany tańdaýǵa quqyly. Jobanyń áleýmettik mańyzdylyǵyn eskere otyryp, ákimdik jeke uıymdarmen montajdaý jumystarynyń qunyn tómendetý boıynsha kelissózder júrgizýde. Eseptegishterdiń ózderi azamattarǵa tegin beriledi.

Qalany gazdandyrý úsh kezeń boıynsha júrgiziledi. Bıylǵy jylytý maýsymynda Jeleznodorojnyı, Kóktal-2, Agroqalashyqtyń bir bóligi gazǵa kóshiriledi. Sonymen qatar, Kóktal-1, Promyshlennyı, Ońtústik-Shyǵys turǵyn alaptarynda qurylys-montajdaý jumystary júrgizilýde.

Atalǵan turǵyn alaptarda gazben jabdyqtaýdyń ishki jelilerin júrgizgen turǵyndar gazǵa qosylý úshin "QaztransGaz Aımaq" AQ-ǵa júgine alady (Respýblıka dańǵyly, 24, "Parasat" BO). Bul uıym gazben jabdyqtaýdyń ishki jelileriniń qaýipsizdigimen jáne tikeleı qosylýyn tekserýmen aınalysady, sondaı-aq odan ári paıdalanýǵa jaýap beredi.

Elordany gazdandyrý - Elbasynyń tarıhı jobasy. Ol ekologııany jaqsartyp qana qoımaı, jeke sektor turǵyndarynyń ómir súrý jaǵdaıyn aıtarlyqtaı jeńildetedi.

Gazdandyrý prosesi Memleket basshysynyń baqylaýynda.

Foto: Aleksandr Kýprıenko

Sońǵy jańalyqtar

Tórt klýb top bastap tur

Fýtbol • Búgin, 00:00

Ezop pen Abaı

Rýhanııat • Keshe

Shyndyq pen ótirik

Qazaqstan • Keshe

Aıbardyń armany

Rýhanııat • Keshe

Túrkistanǵa 3000 jyl

Rýhanııat • Keshe

Uqsas jańalyqtar