Aımaqtar • 27 Qańtar, 2021

Belarýs azamaty Túrkistan oblysynyń polıseılerine alǵys aıtty

14 ret kórsetildi

Túrkistan oblysynyń patrýldik polıseılerine birneshe turǵyn, onyń ishinde Belarýs Respýblıkasynyń azamaty arnaıy alǵysyn aıtty, – dep habarlaıdy Egemen.kz Polisia.kz saıtyna silteme jasap.

2021 jyldyń 21 qańtarynan bastap Túrkistan oblysynda qalyń qar jaýyp, aq tútek boran bastaldy. Birneshe kún men tún tolassyz jaýǵan qar oblys joldarynyń barlyǵynda kólikterdiń júrýine kedergi keltirip, damylsyz soqqan aq tútek boran jolaýshylardy jolda qaldyrdy. Aýyr júk kólikteri men jeńil kólikter jol jıegine shyǵyp ketip, tipti keıbiri bir-birine soqtyǵysyp jatty. Aýa raıynyń tosyn minez tanytyp, ysqyryp soqqan sýyq jelde azamattardyń amandyǵy men qaýipsizdigin qamtamasyz etý úshin Túrkistan oblysynyń búkil jeke quram qyzmetkerleri oblys joldaryna jumyldyryldy. Tań atpastan kúsheıtilgen rejımde jumysqa kirisken polıseıler barynsha turǵyndarǵa saq bolýlary men úıden shyqpaýlaryn eskertti. Al jolda qalǵan jolaýshylardy qyzmettik kólikterimen jyly orynǵa jetkizip, qarǵa batyp, júre almaı qalǵan kólikterge qaryn kúrep, qaıtadan júrip ketýine yqpal jasady. Kúrek ustap qar kúregen, kólik ıterip kómek kórsetken polıseıler sýyqqa qaramastan qyzmetterin táýliktep atqardy.

Máselen, jolda turalap qalǵan aýyr júk kólikteriniń ishinde Belarýssııa turǵyny da boldy. Onyń kóligi jol jıegindegi qarǵa batyp qalǵan. Patrýldik polısııa qyzmetkerleri tez arada qardy tazalap, júrgizýshige kómek kórsetti. Sheteldik júrgizýshi Túrkistannyń ǵana emes, Qazaqstannyń polısııasyn maqtap, qyzmetkerlerdiń jumystaryna rızashylyǵyn jetkizdi. Shynaıy alǵysyn aıtyp, sáttilik tiledi.

Sonymen qatar Shymkent-Samara tas jolynda patrýldep kele jatqan polıseıler joldyń jıegine shyǵyp ketken taǵy bir jeńil kólikti baıqaıdy. Birden toqtap, júrgizýshiniń temir tulparyn qyzmettik kólikpen jol boıyna súırep alyp shyǵady.

О́z kezeginde júrgizýshi men jolaýshylar patrýldik polısııa qyzmetkerlerine: – Raqmet, eńbekterińiz jana bersin! Túrkistan oblysy patrýldik polısııa qyzmetkerlerine alǵys aıtamyz, – dep jyly lebizderin jetkizdi. Al kúnniń yzǵaryna qaramastan qyzmetin jalǵastyryp jatqan polıseıler jolaýshylarǵa: – Jol taıǵaq, sondyqtan abaı bolyńyzdar. Uzaq jolǵa shyqpańyzdar!, – dep eskertý jasady.

Aıta ketken jón, jyl saıyn qys maýsymynda patrýldik polıseıler joldardy úzdiksiz baqylap, kómekke muqtaj bolǵan júrgizýshilerge kómek kórsetip, alǵystaryn alyp keledi. Bul joly da buryn sońdy bolmaǵan boranda jolda qalǵan kólikterdiń barlyǵyna kómektesti. Áli de jol jıegine jınalyp qalǵan omby qar muzǵa aınalyp, kólikterge kedergisin keltirýde. Sondyqtan oblys polıseıleri patrýldeý jumystaryn jalǵastyra bermek.

Oblys polıseıleri eskertedi: Jol júrý erejelerin árdaıym ustanyńyzdar. Jyldamdyqty asyrmańyzdar! Aýa raıy qolaısyz sátte uzaq jolǵa shyǵýdyń qajeti joq. Al eger májbúr bolsańyz saparǵa shyǵarda kóligińizdi qajetti zattarmen qamdap alǵanyńyz jón.

Sońǵy jańalyqtar

QR-tólemder HQKO-daǵy kezek sanyn azaıta ma?

Baǵdarlamalar • Búgin, 22:11

Týrın Olımpıadasyna – 15 jyl

Oqıǵa • Búgin, 21:48

Atyraýda jolda qalǵan 63 adam qutqaryldy

Aımaqtar • Búgin, 18:18

Elbasy Baýyrjan Baıbekti qabyldady

Elbasy • Búgin, 17:30

Qazaqstanda jańa ken orny tabyldy

Ekonomıka • Búgin, 16:21

Eń sulý voleıbolshy kim?

Sport • Búgin, 16:15

Pavlodarda er adamdy poıyz basyp ketti

Aımaqtar • Búgin, 16:00

Ile-Alataý ulttyq tabıǵı parkine - 25 jyl

Ekologııa • Búgin, 14:57

El qorǵaǵan erdiń esimi jańǵyrdy

Rýhanııat • Búgin, 14:49

Kórshiniń kóp-kórim kómegi

Qoǵam • Búgin, 14:23

Uqsas jańalyqtar