Olardyń tek 66-sy ǵana óz ıelerine qaıtaryldy. Bul týraly búgin Parlament Májilisiniń tóraǵasy Nurlan Nyǵmatýlın palatanyń jalpy otyrysynda habarlady.
Ishki ister mınıstri Erlan Turǵymbaev urlanǵan temir tulparlardyń basym bóligi kórshiles elderge jóneltiletinin aıtty. Ol jerde kólikterdiń vınkodtary ózgertilip, qaıta satylady.
Sondaı-aq alaıaqtar Qazaqstan aýmaǵynda sol vınkodtardy satyp alyp, urlanǵan tehnıkany qaıta tirkeıtin kórinedi.
Májilis tóraǵasynyń málimdeýinshe, mundaı qylmystardy ishki ister organdary qyzmetkerleriniń qatysýynsyz jasaý múmkin emes. Osy oraıda Nurlan Nyǵmatýlın tártip saqshylary arasynda azamattardyń jeke aqparatyn taratýǵa jol bermeýdi tapsyrdy. El shekaralarynda urlanǵan kólikterdi anyqtaý júıesin jetildirý qajettiligi de sóz boldy.
Jıyn qorytyndysy boıynsha depýtattar TMD elderi arasynda osy máseleni sheshý úshin yntymaqtastyq ornatý týraly zań jobasyn qoldady.
