Ekonomıka • 28 Qańtar, 2021

Qazaqstan Chehııa naryǵyna 45 ónimdi eksporttaıdy

5 ret kórsetildi

Qazaqstan jalpy quny 324,8 mln dollar bolatyn 45-ten astam ónim túrin eksporttaýdy josparlap otyr. Bul týraly ekonomıkalyq, ónerkásiptik jáne ǵylymı-tehnıkalyq yntymaqtastyq jónindegi Qazaqstan-cheh úkimetaralyq komıssııasynyń teń tóraǵalarynyń kezdesýinde aıtyldy, dep habarlaıdy Egemen.kz

Kezdesý beınekonferensııa formatynda ótken. Saýda jáne ıntegrasııa vıse-mınıstri Qaırat Tórebaevtyń aıtýynsha, úkimetaralyq komıssııa – ózara yntymaqtastyq máseleleriniń keń spektri boıynsha naqty sharalar qabyldanatyn alań retinde tanyldy. Taraptar Qazaqstan men Chehııa arasyndaǵy saýda-ekonomıkalyq yntymaqtastyqty odan ári damytý máselelerin, aldaǵy otyrystyń kún tártibindegi máselelerdi, sondaı-aq COVID-19 pandemııasy (medısınalyq tehnıkany, jabdyqtardy, dárilik preparattardy jáne t.b. ónimderdi jetkizý) kezeńinde densaýlyq saqtaý salasyndaǵy yntymaqtastyq múmkindikterin talqylady.

Qazaqstandyq sarapshylar saýda yntymaqtastyǵyn damytý maqsatynda Chehııa naryǵyna shyǵarylýy múmkin áleýetti taýarlardyń tizbesin daıyndaǵan. Tizimge munaı-hımııa, metallýrgııa, tamaq ónerkásibi, mashına jasaý, qurylys salasynyń ónimderi engen. Kezdesý barysynda qazaqstandyq tarap Chehııanyń atom energetıkasy kásiporyndaryna «Qazatomónerkásip» UAK» AQ tabıǵı ýran konsentrattaryn jáne ýran ónimderin jetkizý; stanoktardy jóndeý jáne jańǵyrtý jáne olardyń jıyntyqtaýshy jáne qosalqy bólshekterin óndirý jónindegi ortalyqty (tehnopark), sondaı-aq otandyq óndiristerde odan ári qoldaný úshin Qazaqstanda komponenttik baza óndirisin damytý jónindegi ǵylymı-zertteý ortalyǵyn qurý; Qytaıdan Eýropaǵa Cheh Respýblıkasyna/nan/arqyly konteınerlik júkterdi (júk tasymaldaryn) damytý boıynsha naqty usynystar bildirgen.

Mınıstrlik málimetinshe, eki el arasyndaǵy taýar aınalymy 2019 jyly 380,4 mln dollardy quraǵan. Al 2020 jyldyń 11 aıynda ózara saýda-sattyq 9,9 paıyzǵa tómendep, 312,4 mln dollardy qurapty. Chehııaǵa eksport úlesi 4,5 paıyzǵa, Chehııadan ımport úlesi 11,2 paıyzǵa qysqarǵan. 

 

 

 

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar