Jańadan paıdalanýǵa berilgen «Lých» neıroońaltý ortalyǵynda bir jyl ishinde bes myńǵa jýyq pasıent saýyqtyrýdan óte alady degen boljam bar. Medısınalyq mekeme zamanaýı talaptardyń bárine jaýap beredi: munda úzdik mamandar jumys isteıdi, ozyq jabdyqtarmen qamatamsyz etilgen jáne bul jerde halyqaralyq emdeý standarttary shoǵyrlanǵan.
«Lých» neıroońaltý ortalyǵynyń bas dárigeri Gúlnár Málik fılıaldyń táýligine 75 pasıentke qyzmet kórsetýge múmkindigi jetetin aıtady.
– Biz munda massaj, fızıoprosedýra sııaqty ońaltýdyń standartty ádisterin ǵana emes, balshyqpen emdeýdi, gıdroterapııany da qoldanamyz. Ortalyq álemdik óndirýshilerdiń ozyq qural-jabdyqtarymen jaraqtandyrylǵan, – deıdi bas dáriger.
Aıta ketý kerek, jańa medısınalyq mekemede naýqastardy ınsýlt, neırohırýrgııalyq jáne travmatologııalyq otalardan keıin qalpyna keltirý úshin barlyq jaǵdaı jasalǵan. Sondaı-aq munda júre almaıtyn naýqastardyń sý prosedýralaryna qol jetkizýin jeńildetý úshin arnaıy kótergish jabdyǵy bar eki basseın jumys isteıdi.
Búgingi kúnde «Lých» neıroońaltý ortalyǵynyń Qaraǵandy, Jezqazǵan jáne Temirtaý qalalarynda úsh fılıaly jumys isteıdi. Aldaǵy ýaqytta syrqatynan tolyq aıyqpaǵan adamdarǵa aýadaı qajet medmekemeni Balqash qalasynan da ashý josparda bar eken.
