SQO densaýlyq saqtaý basqarmasynyń málimetinshe, óńirde 17 pýnkt COVID-19-ǵa qarsy vaksına egýge daıyndalǵan. Onyń tórteýi Petropavlda, qalǵandary aýdan ortalyqtarynda ornalasqan. Osylaısha tek aqpan aıynda ǵana óńirdiń myńnan astam turǵynyna ekpe egilmek. Birinshi kezekte vaksınany medısına qyzmetkerleri alady.
«SQO-da koronavırýs ınfeksııasyna qarsy vaksınasııaǵa daıyndyq qyzý júrgizilip jatyr. Barlyq emhanalarda vaksınasııa pýnkteri ashyldy. Medısına qyzmetkerleri tolyq daıyndyqtan ótti. Reseılik «Spýtnık V» vaksınasy egilmek», deıdi SQO densaýlyq saqtaý basqarmasynyń bólim basshysy Ásem Qanǵojına.
SQO-da bir aptanyń ishinde koronavırýsty juqtyrǵandar sany 1,7 ese artty.
Infeksııalyq stasıonarlar búginde 45 %-ǵa tolǵan. Jalpy oblysta KVI juqtyrýdyń 10658 jaǵdaıy tirkeldi. 9700-den astam adam jazylyp shyqsa, 42 adam qaıtys boldy.
