Jıyn barysynda Qazaqstan Respýblıkasynyń Prezıdenti Qasym-Jomart Toqaevtyń «Táýelsizdik bárinen qymbat» atty maqalasy talqylandy.
«Táýelsizdik – memlekettigimizdiń altyn dińgegi. Qazaq eli úshin budan asqan qasterli qundylyq joq. Bıyl Táýelsizdiktiń 30 jyldyǵyn atap ótetin bolamyz. Bul kezeń – búkil halqymyzdyń eren eńbeginiń tarıhı shejiresi. Sondyqtan Memleket basshysy 21 ǵasyrdyń 2021 jylyn «Táýelsizdiktiń 30 jyldyǵy» dep resmı túrde jarııalaǵan bolatyn.
О́zderińizge málim, Qazaqstan Respýblıkasynyń Prezıdenti Qasym-Jomart Toqaevtyń «Táýelsizdik bárinen qymbat» atty maqalasy jaryq kórdi. Búgingi basqosýǵa qatysyp otyrǵan barshamyzdyń túpki maqsatymyz – sózsiz Táýelsizdigimizdi kúsheıtý. Sizderdiń ádebıet pen mádenıet salasyna qosqan úlesterińiz egemen elimizdiń eńsesin kóterip, ultymyzdyń rýhyn ósiredi. Biz árdaıym sizderdiń istegen jumystaryńyzdy joǵary baǵalaımyz.
Prezıdentimiz óz maqalasynda mádenıet pen óner, ǵylym men ádebıetke qatysty kóptegen máseleni qozǵaǵany málim. Onyń ishinde ult shejiresin aıqyndaǵan «Mádenı mura» baǵdarlamasy, derekti jáne kórkem fılmder, Alash zııalylarynan qalǵan rýhanı murany jastarymyzǵa jáne búkil álemge pash etý týraly sóz qozǵap, osy taqyrypty zerttep júrgen ǵalymdar men jazýshylardyń da eńbegin qoldaý qajettiligin aıtty.
Memleket basshysy elimizdiń tarıhyn zertteý máselelerine toqtaldy. Sondaı-aq memlekettik til de bul maqalada nazardan tys qalǵan joq. Prezıdent óz sózinde: «Qazaq tilin, shyn máninde, búkil halqymyzdy biriktirýshi faktorǵa aınaldyrýdyń barlyq quqyqtyq tásilderi jáne kepildikteri qalyptasty. Másele – nıette!» degen bolatyn»,-dedi mınıstr.
Osydan keıin Aqtoty Raıymqulova til ıgerýge kelgende balalar ádebıetiniń atqaratyn róline toqtaldy.
«Prezıdent óz maqalasynda balalar ádebıetine erekshe mán berip: «Til ıgerý úshin balalar ádebıetiniń atqaratyn róli zor. Sondyqtan, qazaq qalamgerleriniń úzdik shyǵarmalaryna qosa, balalarǵa arnalǵan shetel jazýshylarynyń da tańdaýly týyndylaryn aýdaryp, kóptep basyp shyǵarýdy jáne taratýdy qolǵa alǵan jón. Oǵan suranys joǵary»,-dep atap ótti.
Is-sharada Aqtoty Raıymqulova alpys jasqa tolǵan jazýshy Jańabek Shaǵataıdy quttyqtap, «Mádenıet salasynyń úzdigi» tósbelgisimen marapattady.
Sonymen qatar mınıstr aqyn-jazýshylar S.Soqpaqbaeva, K.Qunypııauly, E.Shaıhyuly, M.Otarbaev, M.Omarovaǵa «Mádenıet salasynyń úzdigi» tósbelgisin, qyrǵyz ádebıetiniń ókili Perızat Almazqyzyna Qazaqstan halqy Assambleıasynyń «Birlik» medalin jáne bir top qalamgerlerge Alǵys hat tabystady.
