Búginde meshitterde profılaktıkalyq jáne epıdemııaǵa qarsy sharalar qatań saqtalyp keledi. Osyǵan oraı, aldaǵy juma kúni qaýipsiz «jasyl aımaqta» ornalasqan aýyldyq meshitterde sanıtarlyq talaptardy saqtaı otyryp, juma namazy oqylatyn bolady.
⠀
Jıyn barysynda Bas múftı Naýryzbaı qajy Taǵanuly ımamdarǵa juma namazy kezinde saqtyq sharalaryn jeke baqylaýdy, sanıtarlyq talaptardyń oryndalýyn qatań qadaǵalaýdy tapsyrdy.
⠀
Eske sala keteıik, jýyrda QMDB Tóraǵasy, Bas múftı Naýryzbaı qajy Taǵanuly elordada Densaýlyq saqtaý mınıstri Alekseı Soımen arnaıy kezdesip, osy máseleni talqylaǵan bolatyn. Sonymen qatar, Densaýlyq saqtaý vıse-mınıstri – Bas memlekettik sanıtarlyq dáriger Erlan Qııasovpen de kezdesken Bas múftı koronavırýs ınfeksııasynyń taralýy boıynsha qaýipsiz «jasyl aımaqta» ornalasqan óńirlerdegi meshitterde juma namazyn oqýǵa ruqsat berý týraly usynysyn jetkizgen edi.
