«Qazaqstan temir joly» kompanııasynyń laýazymdy qyzmetkerleri vagondardy kedergisiz ótkizý úshin para alyp kelgen. Bul týraly QR Sybaılas jemqorlyqqa qarsy is-qımyl agenttiginiń asa mańyzdy ister jónindegi tergeýshisi Danııar Bekaıdarov aıtty.
«Jemqorlyq jaǵdaılary «QTJ» UK» AQ-ta da jıi kezdesedi. Ol kompanııadaǵy jekelegen jetekshiler vagondardy kedergisiz ótkizý úshin kásipkerlerden iri kólemde para alyp kelgen. Mundaı jaǵdaılardyń Almaty, ShQO, Qostanaı, Aqmola, Qyzylorda, Pavlodar oblystary men Shymkentte tirkeldi», dedi spıker Agenttiktiń onlaın rejımdegi baspasóz máslıhatynda.
Onyń aıtýynsha jemqorlar ózderi uıymdastyrǵan qylmystyq jospardyń arqasynda edáýir baıyp alǵan. «Para kólemi 100 myń teńgeden bastap 5 mıllıon teńgege deıin bolǵan. Bul isterde ondaǵan mıllıon teńgeniń jaǵdaılary tergelýde», dedi Danııar Bekaıdarov
