Altynkól qazaqstandyq shekaralyq temir jol stansııasy jáne KTZE Khorgos Gateway Qurǵaq porty arqyly Qytaıdan Qyrǵyzstanǵa alǵashqy konteınerlik poıyz júrip ótedi.
«KTZ Express» AQ baspasóz qyzmetiniń habarlaýynsha, 46 konteınerden turatyn poıyz quramynda jalpy salmaǵy 800 tonnaǵa jýyq toptyq júk kiredi, ol Qytaıdyń Úrimshi stansııasynan Qyrǵyzstannyń Alamedın stansııasyna 4 kúnde jetkiziledi. «KTZ Express» úshin halyqaralyq kólik dálizin damytý basym mindetterdiń biri. Biz uıymdastyrǵan jańa servıs baǵyttarymyzdyń geografııasyn keńeıtti jáne klıentterimizge logıstıkalyq shyǵyndardy qasqartýǵa múmkindik berdi. Osy marshrýtta jol júrý barysynda júkterdi óńdeýdiń bolmaýy esebinen jyldamdyqtyń ońtaıly parametrine qol jetkizdik jáne keleshekte osy marshrýt boıynsha konteınerlik júkaǵynyn ulǵaıtýǵa jáne konteınerlik poıyzdyń turaqty júrýin uıymdastyrýǵa nıetti ekendigimizdi atap ótkim keledi», dedi «KTZE-Ońtústik» Bas dırektorynyń orynbasary A. Berekbulov.
