Qazaqstanda tómen biliktilikke ıe jumys oryndary azaıyp, joǵary deńgeıli mamandarǵa degen suranys artqan. Finprom.kz deregi boıynsha, 2020 jyldyń qańtar-qazan aralyǵynda elektrondy bırjada 784 myń vakansııa ornalastyrylsa, sonyń 66 paıyzy biliktiliktiń bolýyn talap etken. Ásirese, qarjy, saqtandyrý, densaýlyq saqtaý, aqparat jáne baılanys, salalarynda jumys berýshiler 10 úmitkerdiń 9-ynan biliktilik suraǵan. О́ńirler bólinisi boıynsha Qostanaı (vakansııanyń 80 paıyzy biliktilik talap etken) oblysynda, Nur-Sultan (79 paıyz) jáne Almaty (77 paıyz) qalalarynda bilim-biligi joǵary mamandarǵa degen suranys kúshti bolyp tur.
Qazaqstan adam kapıtalyn damytýǵa erekshe kóńil bólip keledi. Bilim salasyn salynǵan ınvestısııa bir jylda 42,2 paıyzǵa ósip, 301,6 mlrd teńgeni quraǵan. Sonymen qatar ekonomıkanyń 9 salasyn qamtıtyn jańa mamandyqtar atlasy quryldy.
