Onyń pikirinshe, baǵanyń ósýine deldaldar jaýap beredi. Olar ónimniń baǵasy 30%-dan 50%-ǵa deıin ósirgen. Sonymen qatar, qus ósirýshilerdiń ózderi de otandyq asyl tuqymdy bazanyń joǵynan osyndaı máselemen betpe-bet kelip otyr.
Jyl ótken saıyn elge jetkizilgen taýyqtar fermerlerge qymbatqa túsip jatyr. Qazaqstan qus ósirýshiler odaǵy kóptegen kásiporyn óndiristi keńeıtýge ǵana emes, tipti jem-shóp satyp alýǵa da aınalym qarajaty jetpeıtinin aıtady. Sebebi, jem-shóp jarty jylda tórtten birge qymbattaǵan. 2020 jyly elimizde 5 mıllıard jumyrtqa óndirilgen. Bul ótken jylmen salystyrǵanda 8,4%-ǵa az.
О́ńirler arasynda jumyrtqa óndirisi boıynsha Almaty (994,8 mıllıon dana, bir jyl ishinde mınýs 5,8%), Aqmola (804,4 mıllıon dana, mınýs 6,5%) jáne Qaraǵandy (664,3 mıllıon dana, mınýs 11,2%) oblystary kósh bastap tur. Bul aımaqtardaǵy iri óndirýshiler – «Alsad Kazahstan» JShS, «Almaty qus fabrıkasy Suńqar» JShS, «Qazger-Qus» JShS, «Maıqudyq qus fabrıkasy» JShS, «K. Marks atyndaǵy qus fabrıkasy» JShS jáne taǵy basqalary. 2020 jyldyń 11 aıynyń qorytyndysy boıynsha jergilikti kompanııalar jumyrtqaǵa suranystyń (eksport pen ishki naryqta satý) 96,6%-yn qamtamasyz etken.
Bul rette eksporttyń úlesi - 4,2%. О́tken jyly bul kórsetkish 30,4% bolǵan edi. 204,9 mıllıon jumyrtqa syrtqy naryqqa jiberildi. Bul kórsetkish 2019 jyldyń sáıkes kezeńimen salystyrǵanda 7,9 ese az. Tolyq emes jyl ishinde ishki naryqta 4,7 mıllıard jumyrtqa satyldy, jyldyq ósim - 25,7%. Ortasha eseppen árbir qazaqstandyq 3 kúnde eki jumyrtqadan, ıaǵnı kúnine bir jumyrtqadan az tutynady.
