Rýhanııat • 08 Aqpan, 2021

Áýlıeatada Jambyl mereıtoıy aqpan aıynda bastalady

54 ret kórsetildi

Bıyl jyr alyby Jambyl Jabaevtyń týǵanyna 175 jyl tolyp otyr, dep habarlaıdy Egemen.kz

Uly jyraýdyń mereıtoıyn atap ótý aqpan aıynan bastalatyn boldy. Sondaı-aq, aǵymdaǵy jyly Áýlıeata topyraǵynda aqıyq aqyn Muqaǵalı Maqataev, Kúlásh Ahmetova, Aısha Kópjasarova, Mámbet Qoıgeldıev jáne Narsha Qashaǵanuly sııaqty belgili tulǵalardyń da mereıtoılary ótedi dep josparlanǵan.

Jambyl oblystyq mádenıet, arhıvter jáne qujattama basqarmasy basshysynyń mindetin atqarýshy Sara Mádıevanyń aıtýynsha, mańyzy zor mereıli merekelerge oraı artylar jaýapkershilik júgi de joǵary. Aıtýly datalardyń qatarynda eń bastysy – el Táýelsizdiginiń 30 jyldyǵyn joǵary deńgeıde atap ótý bolyp otyr. Osyǵan oraı is-sharalar josparyna sáıkes daıyndyq deńgeıi pysyqtalyp jatyr.

«Jambyl Jabaevtyń 175 jyldyq mereıtoıyna oraı, aqpannyń 22-26 aralyǵynda ótetin aptalyq aıasynda «Jambyl – dúldúl, Kenen – bulbul» atty merekelik konsertin ótkizý, «Jambyltaný» ortalyǵynda «Jyr dúldúli – Jambyl» kórmesin ashý, Jambyldyń shóberesi Murathan Jambylovpen kezdesý, «Jambyl – meniń jaı atym, halyq – meniń shyn atym» atty respýblıkalyq aqyndar aıtysyn uıymdastyrý josparlanǵan.

Sonymen qatar, jyl ishinde aqyn shyǵarmalary men ómir joly jelisinde «Oı-hoı, dúnıe serýen, Adam bir kóshken kerýen» atty poetıkalyq-kompozısııalyq qoıylymyn daıyndap kórsetý, ózge ult ókilderi arasynda Jambyldyń óleń, jyrlaryn mánerlep jatqa oqýdan «Jambyl jyrlary» baıqaýyn ótkizý jáne taǵy da basqa sharalar josparlanyp otyr.

Sondaı-aq jyl ishinde Táýelsizdigimizdiń 30 jyldyǵyna oraı birqatar aýqymdy jobalar iske asyrylady», dedi Sara Mádıeva. Sonymen qatar, bıyl ulttyq ónerimizdi nasıhattaý, jas talanttardy izdestirý, jańa esimderdiń tanylýyna yqpal etý maqsatynda «Dombyranyń qos ishegi» oblystyq dástúrli óner baıqaýy, shyǵarmashyl jastardyń «Jańa esim-2021» jobasy, «О́ner kózi – halyqta» halyq shyǵarmashylyǵy festıvali ótedi. Atalǵan sharalar aýdandardan bastaý alyp, oblys kóleminde uıymdastyrylady.

Sondaı-aq Sara Mádıeva aǵymdaǵy jyly «Uly Atlah shaıqasy – órkenıetterdiń betburysy» ǵylymı-praktıkalyq konferensııasy, «Rýhanı jańǵyrý» baǵdarlamasy aıasynda qazaq qyzdarynyń arasynda ulttyq qundylyqtardy keńinen nasıhattaý maqsatynda «Áýlıeata burymdylary» atty baıqaý ótetinin de aıtty. Kóne Taraz tarıhyna qatysty jergilikti ólketanýshylardyń jınaqtaýymen jańadan basýǵa 50 kitaptyń jobasy daıyndalǵan.

Al, oblystyq kıno ortalyǵy Naýryz merekesine baılanysty ataýly kúnderge arnap «Qusbegi», «Toǵyzqumalaq», «At ábzelderi», «Er turmandar», «Kókpar» sııaqty qazaq halqynyń salt-dástúrleri men ulttyq oıyndaryn dáripteıtin jáne «Tórtkúl» kerýen saraıy týraly tarıhı derekti fılmder túsirýdi josparlap otyr eken. Oblystyq teatrlar 16 jańa qoıylym sahnalaýdy jáne karantın sharalary toqtatylǵan jaǵdaıda aýdandarǵa gastroldik qoıylymdar uıymdastyrýdy josparlaǵan.

Sońǵy jańalyqtar

ShQO-da turǵyndar evakýasııalandy

Aımaqtar • 09 Sáýir, 2021

Tasqyn qaýpi áýeden zertteldi

Aımaqtar • 09 Sáýir, 2021

Almatyda taý baýraıy otqa orandy

Aımaqtar • 09 Sáýir, 2021

Qazaqstandyq vaksına qashan daıyn bolady?

Qazaqstan • 09 Sáýir, 2021

Almatyda karantın kúsheıtile me?

Koronavırýs • 09 Sáýir, 2021

Uqsas jańalyqtar