Túrkistan oblysy Bas memlekettik sanıtarııalyq dárigeriniń qaýlylarynyń negizinde, karantın rejımi kezinde birqatar shekteý sharalary qoıylǵan. Osy baǵytta Saryaǵash APB-nyń polıseıleri karantın rejımin jáne shekteý sharalaryn saqtaý úshin qurylǵan toppen birge profılaktıkalyq jumystardy turaqty túrde júrgizýde.
Osyndaı kezekti reıdtik shara barysynda kúndizgi 15:30 shamasynda Saryaǵash aýdanynyń aýyldarynyń birinde kókpar oıynynyń ótip jatqany anyqtalǵan. 150-ge jýyq adam jınap, «Bata kókpar» uıymdastyryp, karantın rejımin jáne shekteý sharalaryn saqtamaǵan 60 jastaǵy turǵynǵa qatysty is-qujattar jınaqtalýda. QR QK-niń 425-baby (Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha jınaqtalǵan qujattar Saryaǵash aýdandyq SEBB-na joldandy.
Sondaı-aq jyl basynan beri Saryaǵash aýdanynda jasyryn túrde 10-ǵa jýyq kókpar oıyny uıymdastyrylǵan. Tártip saqshylarynyń tabandy eńbekteriniń arqasynda, der kezinde turǵyndardyń qaýipsizdigi úshin kókpar oıyndary tarqatylyp otyr.
О́z kezeginde Túrkistan oblysynyń polıseıleri azamattardy karantın rejımin qatań saqtaýǵa, medısınalyq betperde kııýge jáne áleýmettik qashyqtyqty saqtaýǵa shaqyrady.
