Saryaǵash aýdanynda polıseı men turǵyn kópirden sekirmek bolǵan jigitti qutqardy, dep habarlaıdy Egemen.kz Polisia.kz saıtyna silteme jasap.
Saryaǵash APB-ne Saryaǵash qalasy Jetisaı-Shymkent tas jolynda ornalasqan aspaly kópirden túngi ýaqytta belgisiz azamat óz-ózine qol jumsamaq bolyp, qulaıyn dep turǵany jóninde habarlama kelip túsedi. Atalǵan jaıt Saryaǵash APB-ne tirkelip, polıseıler birden oqıǵa ornyna shyqty.
Jedel úsh mınýt ishinde jetken polıseıler kópirge ilinip turǵan azamatty kóredi. О́z-ózine qol jumsaý maqsatynda bıikten sekirmek bolǵan er adamnyń janyna jaqyndap, ony aman alyp qalýǵa qajetti sharalardy iske asyrady. Sol jerdegi turǵynnyń biri ony sózge aınaldyryp turǵanynda, polıseı kópirge ilinip turǵan er adamnyń beldiginen qatty ustap qalady. Sodan qalǵan polıseılerdiń barlyǵy jabyla, ony shyǵaryp alady. Osylaısha Saryaǵash APB JPPB qyzmet ınspektory Erbolat Dıhanbaev pen Saryaǵash aýdandyq HQKO qyzmetshisi Talǵat Kamılovterdiń shuǵyl is-áreketteri men qyraǵylyǵy arqasynda, kópirden qulamaq bolǵannyń oıy iske aspaı qaldy.
Tekserý barysynda óz ómirin qımaq bolǵan jan, jigit bolyp shyqty. Saraptama qorytyndysyna sáıkes onyń “jeńil” dárejeli masań kúıde ekendigi anyqtaldy. Belgili bolǵandaı, turǵyn otbasylyq kıkiljińnen soń, ishimdik ishken. Sodan sýısıd jasaý oıy týyndaǵan. Alaıda polıseılerdiń kásibı sheberligi arqasynda barlyǵy jaqsy aıaqtalyp, ol otbasyna aman-esen tabystaldy. Jigitpen psıhologtar áńgimelesý uıymdastyryp, túsindirý jumystaryn júrgizdi.
Jalpy, turǵyndardyń amandyǵy men tynyshtyǵyn saqtaýda polıseıler árqashan alǵy shepte júredi. Tártip saqshylarynyń basty mindetteriniń biri – halyqtyń qorǵany, qorǵaýshy bolý. Bul baǵyttaǵy jumystar aldaǵy ýaqytta da jalǵasa bermek.
Jibek Qulambaeva Túrkııadaǵy jarysta jeńimpaz atandy
Tennıs • Keshe
UQShU elderi keshendi oqý-jattyǵý ótkizedi
Oqıǵa • Keshe
Rım Papasy aýrýhanadan shyǵaryldy
Álem • Keshe
Uqsas jańalyqtar
